Live Updates

بچوں کے علاج کے لیے بھارت جانے والی فیملی علاج کے بغیر واپس آگئی

منگل 29 اپریل 2025 19:51

کراچی (اُردو پوائنٹ اخبارتازہ ترین - این این آئی۔ 29 اپریل2025ء)دو بچوں کے دل کے علاج کے لیے بھارت جانے والی فیملی واپس کراچی پہنچ گئی۔ بچوں کے والد شاہد علی نے وڈیو بیان میں بتایا کہ بھارتی ڈاکٹروں نے علاج کرنے سے انکار کر دیا ہے۔

(جاری ہے)

شاہد علی نے کہا کہ جو حالات پیدا ہوئے ان میں بچوں کا کوئی قصور نہیں تھا اور اس صورتحال میں وہ علاج نہیں کرا سکے۔ بچوں کا علاج پہلے ہی تاخیر کا شکار ہو چکا ہے۔ انہوں نے حکومت سے اپیل کی کہ وہ بچوں کا علاج کسی اور ملک میں کرانے کے لیے اقدامات کرے۔انہوں نے حکومت سے درخواست کی کہ بچوں کی صحت کے لیے فوری اقدامات کیے جائیں۔