Live Updates

بانی پی ٹی آئی انسٹاگرام پر ایک کروڑ فالوورز والے پہلے پاکستانی سیاستدان بن گئے

منگل 29 اپریل 2025 19:56

اسلام آباد(اُردو پوائنٹ اخبارتازہ ترین - آن لائن۔ 29 اپریل2025ء)بانی پاکستان تحریکِ انصاف عمران خان کے انسٹاگرام پر فارلوورز کی تعداد ایک کروڑ ہوگئی ہے، وہ اس پلیٹ فارم پر سب سے زیادہ فالو کیے جانے والے سیاستدان ہیں۔ راولپنڈی کی اڈیالہ جیل میں قید عمران خان کے فوٹوز اینڈ ویڈیو شیئرنگ ایپ انسٹاگرام پر فالوورز کی تعداد 1 کروڑ تک پہنچ گئی، اور اس ہندسے پر پہنچنے والے وہ پہلے پاکستانی سیاستدان ہیں۔

(جاری ہے)

عمران خان کے اگر انسٹا اکاؤنٹ پر ایک نظر دوڑائی جائے تو وہ صرف ایک اکاؤنٹ کو فالوو کر رہے ہیں جو کہ ان کی جماعت پی ٹی آئی کا آفیشل اکاؤنٹ ہے۔دوسری جانب عمران خان کے اکاؤنٹ سے تاحال 15 ہزار691 پوسٹس شیئر کی جا چکی ہیں۔فالوورز کی اس دوڑ میں دیکھا جائے تو موجودہ وزیراعظم شہباز شریف کے انسٹاگرام اکاؤنٹ سمیت دیگر سیاستدانوں کے اکاؤنٹس پر فالوورز کی تعداد ایک ملین سے بھی کم ہے۔یہاں یہ بات بھی علم میں رہے کہ تحریک انصاف کے موجودہ چیئرمین بیرسٹر گوہر ہیں جبکہ انسٹاگرام پر بانی کو پارٹی کا موجودہ چیئرمین قرار دیا جارہا ہے۔