Live Updates

پی ایس او کے بعدازٹیکس منافع میں 14 فیصداضافہ

منگل 29 اپریل 2025 23:41

اسلام آباد (اُردو پوائنٹ اخبارتازہ ترین - اے پی پی۔ 29 اپریل2025ء) پاکستان سٹیٹ آئل(پی ایس او) کے بعدازٹیکس منافع میں جاری مالی سال کے پہلے 9 ماہ میں سالانہ بنیادوں پر 14 فیصد اضافہ ہواہے۔

(جاری ہے)

کمپنی کی جانب سے پاکستان سٹاک ایکسچینج میں جمع کردہ مالیاتی بیان کے مطابق مالی سال کے پہلے 9 ماہ میں کمپنی کو 15.26 ارب روپے کا خالص منافع ہوا ہے جو گزشتہ مالی سال کی اسی مدت کے 13.39 ارب روپے کے مقابلہ میں 14 فیصد زیادہ ہے، اس مدت میں کمپنی کی فی حصص آمدنی 32.5 روپے ریکارڈ کی گئی ہے جو گزشتہ مالی سال کی اسی مدت میں 28.5 روپے تھی۔

مالی سال کی تیسری سہ ماہی میں پی ایس او کو 4.090 ارب روپے کا منافع ہوا جو گزشتہ مالی سال کی اسی مدت کے مقابلہ میں 28 فیصد کم ہے۔تیسری سہ ماہی میں کمپنی کی فی حصص آمدنی 8.7 روپے ریکارڈ کی گئی ہے۔