پہلگام حملے کے وقت زپ لائن پر غیر ارادی طور پر ریکارڈ کیے گئے مناظر سامنے آگئے

منگل 29 اپریل 2025 19:35

اسلام آباد (اُردو پوائنٹ اخبارتازہ ترین - این این آئی۔ 29 اپریل2025ء)پہلگام حملے کے وقت زپ لائن پر غیر ارادی طور پر ریکارڈ کیے گئے واقعے کے مناظر سامنے آگئے۔ میڈیا رپورٹ کے مطابق ویڈیو میں دہشت گرد اندھا دھند فائرنگ کرتے اور سیاح بھاگتے نظر آ رہے ہیں۔

(جاری ہے)

ویڈیو میں ایسا کوئی منظر نہیں جس میں حملہ آور وہاں موجود افراد سے بات کرتے یا مذہب کے بارے میں کسی سے پوچھ گچھ کررہے ہوں۔بھارتی میڈیا نے ویڈیو میں نظر آنے والے کشمیری زپ لائن آپریٹر جو بظاہر مسلمان نظر آتا ہے کو تحقیقات سے قبل ہی کٹہرے میں کھڑا کردیا۔بھارتی تحقیقاتی ایجنسی این آئی اے نے زپ لائن آپریٹر کو دفتر میں طلب کرکے تحقیقات شروع کردیں۔