Live Updates

بد فعلی کے مقدمہ میں ملزم کو 4سال قید بامشقت کی سزا

منگل 29 اپریل 2025 20:40

فیصل آباد (اُردو پوائنٹ اخبارتازہ ترین - اے پی پی۔ 29 اپریل2025ء) جوڈیشل مجسٹریٹ چوہدری محمد آصف نے تھانہ رضا آباد کے بدفعلی کے مقدمہ میں ملوث ملزم کو جرم ثابت ہونے پر 4 سال قید بامشقت اور 25 ہزار روپے جرمانہ کی سزا کا حکم سنایا۔

(جاری ہے)

استغاثہ کے مطابق، رضا آباد کے رہائشی ظہیر احمد کھوکھر نے 2 نومبر 2020 کو ذہنی معذور لڑکے اسد حسین مغل کو بد فعلی کا نشانہ بنایا تھا۔ منگل کو اس کیس کا فیصلہ سناتے ہوئے، فاضل جج نے جرم ثابت ہونے پر ملزم ظہیر احمد کھوکھر کو تعزیرات پاکستان کی دفعہ 377 کے تحت 4 سال قید بامشقت کا حکم سنایا۔ عدالت نے ملزم کو 25 ہزار روپے جرمانہ ادا کرنے کا بھی حکم دیا اور جرمانہ ادا نہ کرنے کی صورت میں ملزم کو ایک ماہ کی اضافی قید کی سزا بھگتنا ہو گی۔