امریکی جریدے کا مقبوضہ کشمیرمیں مسلمانوں پرڈھائے جانے والے بھارتی مظالم کا پردہ فاش

بدھ 30 اپریل 2025 22:18

واشنگٹن (اُردو پوائنٹ اخبارتازہ ترین - آن لائن۔ 30 اپریل2025ء) امریکی جریدے نے پہلگام فالس فلیگ کے بعد مقبوضہ کشمیر میں مسلمانوں پر ڈھائے جانے والے بھارتی مظالم کا پردہ فاش کردیا ۔نیویارک ٹائمز کی رپورٹ کے مطابق پہلگام فالس فلیگ حملے کے بعد مودی سرکار اور انتہا پسند ہندوؤں کی مسلمانوں کیخلاف مہم تیز کر دی ہے ۔ مقبوضہ کشمیر میں ہزاروں مسلمانوں کو حراست میں لیا گیا اور ان کے گھر تک مسمار کردیئے ہیں ۔

رپورٹ کے مطابق مقبوضہ کشمیر میں مسلمانوں کیخلاف کریک ڈاؤن پر انسانی حقوق کی تنظیموں نے بھی اظہار تشویش کیا ہے ۔ ہیومن رائٹس واچ کی ایشیا کی ڈپٹی ڈائریکٹر میناکشی گنگولی کا کہنا ہے کہ پہلگام میں حملہ کو اقلیتی گروپوں پر انتقامی کارروائیوں کے جواز کے طور پر نہیں استعمال کیا جانا چا ہیے ۔

(جاری ہے)

ایسا کرنے سے مسلمانوں کیخلاف انسانی حقوق کی پامالیوں میں مزید اضافہ ہوسکتا ہے ۔

مسلمانوں کیخلاف انسانی حقوق کی خلاف ورزیوں پر بین الاقوامی سطح پر شدید ردعمل بھی متوقع ہے۔ دفاعی ماہرین کا کہنا ہے کہ بین الاقوامی جریدے اور انسانی حقوق کی تنظیموں کی جانب سے مقبوضہ کشمیر کے مسلمانوں پر مظالم کی گواہی مودی کی جارحیت کا ثبوت ہے۔ مودی کے پہلگام فالس فلیگ کو بہانہ بنا کر مقبوضہ کشمیر میں مسلمانوں کے گھر مسمار کرنا انتہائی بزدلانہ اقدام ہے۔