Live Updates

بھارتی فوجی کے ہوش رباانکشافات نے فالس فلیگ آپریشن کا بھانڈہ پھوڑ دیا

اپنے ہی یونٹ کے کمانڈنگ آفیسر کو غدار قرار دے دیا

جمعرات 1 مئی 2025 18:44

نئی دہلی (اُردو پوائنٹ اخبارتازہ ترین - آن لائن۔ 01 مئی2025ء) بھارتی فوجی کے ہوش رباانکشافات نے فالس فلیگ آپریشن کا بھانڈہ پھوڑ دیا۔ اپنے ہی یونٹ کے کمانڈنگ آفیسر کو غدار قرار دے دیا۔ بھارتی فوج کی1مہار رجمنٹ کے نائب صوبیدار سورندر سنگھ کا اپنی ہی فوج کے خلاف سراپا احتجاج ہو گئے ۔ اپنے ہی یونٹ کے کمانڈنگ آفیسر کو غدار قرار دے دیا۔ نائب صوبیدار سورندر سنگھ نے انکشاف کرتے ہوے کہا ہے کہ بھارتی فوج کشمیر کے بارڈر پر دہشتگردوں کی سہولت کاری کر رہی ہے۔

بھارتی فوج ڈیوٹی پر تعینات فوجیوں کو ہٹا کر خود دراندازی کرواتی ہے۔ یہ سب روزنامہ راشٹریا اور ڈیفنس گزٹ میں شائع بھی ہو چکا ہے۔ ان کا کہنا ہے کہ بھارتی فوج کی سرپرستی میں ہتھیار اور گاڑیاں دہشتگردوں کو دی جاتی ہیں۔

(جاری ہے)

وزیر دفاع اور حکام بالا کو شکایت درج کروائی مگر کوئی پیش رفت نہ ہوئی بلکہ اس انکشاف کے بعد مجھے بارڈر سے ہٹا کر جان سے مارنے کی دھمکیاں بھی دی گئیں ۔

میرے علاوہ دیگر 20جوانوں کوبھی بارڈرپر ڈیوٹی سے ہٹادیا گیا تاکہ دہشتگردوں کی سہولت کاری ہو۔ ان کا کہنا تھا اس انکشاف کے بعد اپنی نااہلی چھپانے کے لئے مجھے پاگل قرار دے کر زبردستی ہسپتال داخل کرادیا گیا۔ میری میڈیکل رپورٹ کے مطابق میںمکمل طور پر فِٹ ہوں، دفاعی ماہرین کا کہنا ہے کہ اس ہوشربا انکشافات کے بعد یہ واضح ہو چکا کہ پہلگام حملے کا ڈرامہ بھارت نے خود رچایا۔ ماہرین نے مطالبہ کیا کہ عالمی برادری کو ریاستی سرپرستی میں بھارتی دہشتگردی کا سخت نوٹس لینا چاہیے۔