Live Updates

انڈین پریمیئر لیگ ، رائل چیلنجرز بنگلور و اور چنائی سپر کنگز کی ٹیموں کے درمیان 52واں میچ (کل )کھیلا جائے گا

جمعہ 2 مئی 2025 10:50

بنگلورو (اُردو پوائنٹ اخبارتازہ ترین - اے پی پی۔ 02 مئی2025ء) بورڈ آف کنٹرول برائے کرکٹ ان انڈیا (بی سی سی آئی )کے زیراہتمام انڈین پریمیئر لیگ (آئی پی ایل) کا 18واں ایڈیشن بھارت میں جاری ہے جس میں شائقین کرکٹ کو انہتائی دلچسپ اور کانٹے دار مقابلے دیکھنے کو مل رہے ہیں،لیگ میں کل (ہفتہ کو)مزید ایک میچ کھیلا جائے گا ۔لیگ کا 52واں میچ رائل چیلنجرز بنگلور و اور چنائی سپر کنگز کی ٹیموں کے درمیان ایم چناسوامی سٹیڈیم، بنگلورو میں کھیلا جائے گا ۔

رائل چیلنجرز بنگلور و کی ٹیم کو مایہ ناز بلے باز رجت پاٹیدار لیڈ کریں گے جبکہ چنائی سپر کنگز کو مایہ ناز وکٹ کیپر بلے باز مہندرا سنگھ دھونی لیڈ کریں گے ۔ رائل چیلنجرز بنگلور و کی ٹیم پوائنٹس ٹیبل پر 14 پوائنٹس کے ساتھ دوسرے نمبر پر موجود ہے جبکہ چنائی سپر کنگز کی ٹیم 4پوائنٹس کے ساتھ ٹیبل پر سب سے نیچے دسویں نمبر پر ہے۔

(جاری ہے)

لیگ کے 18ویں ایڈیشن میں شامل 10 ٹیموں کےدرمیان فائنل سمیت مجموعی طور پر74میچ کھیلے جائیں گے ۔

لیگ میں کولکتہ نائٹ رائیڈرز کی ٹیم ٹائٹل کا دفاع کے لئے کوشاں ہے ۔ لیگ میں شامل 10 ٹیموں میں دفاعی چیمپئن کولکتہ نائٹ رائیڈرز کے علاوہ دیگر ٹیموں میں چنائی سپر کنگز،گجرات ٹائٹنز ،ممبئی انڈینز، دہلی کیپٹلز، پنجاب کنگز، راجستھان رائلز، رائل چیلنجرز بنگلور ، سن رائزرز حیدر آباد اور لکھنؤ سپر جائنٹس شامل ہیں۔واضح رہے کہ چنائی سپر کنگز اور ممبئی انڈینز کو سب سے زیادہ پانچ پانچ بار آئی پی ایل کا ٹائٹل جیتنے کا اعزاز حاصل ہے ، کولکتہ نائٹ رائیڈرز نے تین جبکہ راجستھان رائلز، سن رائزرز حیدر آباد ، دکن چارجرز اور گجرات ٹائٹنز نے ایک ایک بار چیمپئن ہونے کا اعزاز حاصل کیا ۔آئی پی ایل کا فائنل میچ بھی کولکتہ میں 25 مئی کو شیڈول ہے۔\932