Live Updates

پہلگام واقعہ: بھارت نے گولڈ میڈلسٹ ارشد ندیم کا اکاونٹ بھی بلاک کر دیا

جمعہ 2 مئی 2025 22:38

لاہور(اُردو پوائنٹ اخبارتازہ ترین - آن لائن۔ 02 مئی2025ء) پہلگام واقعے میں اپنی فوجی ناکامی کو چھپانے اور پاکستان پر الزام تراشی کے بعد بیانات سے بچنے کیلئے بھارت نے گولڈ میڈلسٹ ارشد ندیم کے انسٹاگرام اکاونٹ پر بھی ملک میں پابندی عائد کر دی۔میڈیا رپورٹس کے مطابق بھارتی وزارت داخلہ کی سفارش پر مجموعی طور پر 16 پاکستانی یوٹیوب چینلز پر پابندی عائد کی گئی تھی، جس میں 3 سابق پاکستانی کرکٹرز کے یوٹیوب چینلز بھی شامل ہیں۔

(جاری ہے)

تاہم اب بھارت نے پاکستان دشمنی میں پیرس اولمپکس میں گولڈ میڈل جیتنے والے اولپمپئن ارشد ندیم کے انسٹاگرام اکانٹ کو بھی ملک میں بلاک کر دیا ہے۔قبل ازیں بھارت نے سابق کپتان راشد لطیف، سپیڈ سٹار شعیب اختر اور باسط علی کے یوٹیوب چینلز پر پابندی عائد کر دی تھی۔یاد رہے کہ پہلگام حملے سے محض ایک روز قبل نیرج چوپڑا نے اولمپک گولڈ میڈلسٹ ارشد ندیم کو بھارت میں ہونے والے جیولن تھرو کیلئے مدعو کیا تھا تاہم انہوں نے انکار کر دیا تھا۔