Live Updates

اسموگ کو کرو آل آؤٹ، قلندرز کلائمٹ ایکشن پلان کا حصہ بن گئی

جمعہ 2 مئی 2025 16:24

لاہور (اُردو پوائنٹ اخبارتازہ ترین - این این آئی۔ 02 مئی2025ء)پاکستان سٴْپر لیگ (پی ایس ایل) کی فرنچائز لاہور قلندرز کی ٹیم کلائمٹ ایکشن پلان کا حصہ بن گئی۔لاہور قلندرز اسموگ کو کرو آل آؤٹ مہم کے تحت کلائمٹ ایکشن پلان کا حلف اٴْٹھانے والی پہلی ٹیم بن گئی۔پنجاب کی سینئر وزیر مریم اورنگزیب نے لاہور قلندرز کی ٹیم سے حلف لیا جس کے بعد قلندرز کی ٹیم نے کھیل کی دنیا میں ماحولیاتی ذمہ داری اٴْٹھا کر ایک نیا معیار قائم کر دیا ہے۔

(جاری ہے)

لاہور قلندرز نے میدان میں اور اپنی روزمرہ کی زندگی میں ماحولیاتی ذمہ داری کو قبول کرنے کا عہد کرنے کے ساتھ پانی کے تحفظ، وسائل کے موثر استعمال کو فروغ دینے اور آب و ہوا کے مسائل کے بارے میں بیداری پیدا کرنے کا بھی عہد کیا۔اس موقع پر کرکٹرز نے اس عزم کا اظہار کیا کہ آلودگی اور کوڑا کًرکًٹ کے خاتمے اور سرسبز ماحول کے فروغ کیلئے متحد ہوکر کام کریں گے، کرکٹ اب صرف کھیل نہیں بلکہ ماحولیاتی تحفظ سے بھی جڑا گیا ہے۔