آئندہ چوبیس گھنٹوں کے دوران لاہور سمیت پنجاب کے بیشتر علاقوں میں بارش اور ژالہ باری کا امکان ہے،محکمہ موسمیات

ہفتہ 3 مئی 2025 18:03

لاہور (اُردو پوائنٹ اخبارتازہ ترین - اے پی پی۔ 03 مئی2025ء) محکمہ موسمیات کی پیشگوئی کے مطابق آئندہ چوبیس گھنٹوں کے دوران صوبائی دارالحکومت لاہور سمیت پنجاب کے بیشتر علاقوں میں تیزہواوں/آندھی اور گرج چمک کے ساتھ بارش جبکہ چند مقامات پر ژالہ باری/موسلا دھار بارش کا بھی امکان ہے۔ترجمان محکمہ موسمیات کے مطابق لا ہور، گوجرانوالہ، حافظ آباد، سیالکوٹ، نارووال، گجرات، منڈی بہاوالدین، سرگودھا، خوشاب، میانوالی، بھکر، قصور، شیخوپورہ، فیصل آباد، جھنگ، ٹوبہ ٹیک سنگھ ساہیوال، اوکاڑہ، ملتان، تونسہ، کوٹ ادو، ڈیرہ غازی خان، راجن پور، لیہ،، بہاولپور، بہاولنگراور گردونواح میں تیز ہواوں/آندھی اور گرج چمک کے ساتھ بارش کا امکان ہے۔

گزشتہ چو بیس گھنٹوں کے دوران پنجاب کے با لا ئی، شما ل مشرقی وسطی علا قوں میں تیز ہواوں/آندھی اور گرج چمک کے ساتھ بارش جبکہ بعض مقا مات پر ژالہ باری بارش بھی ہو ئی۔

(جاری ہے)

لاہور میں کم سے کم درجہ حرارت 23اور زیادہ سے زیادہ 33سینٹی گریڈ ریکارڈ کیا گیا جبکہ ہوا میں نمی کا تناسب 35رہا۔لا ہور میں آلودگی کی مجموعی شرح 97فیصد رہی جبکہ شہر کے مختلف علاقوں میں ایئر کولٹی انڈیکس وی ٹی ایس86، جنریشن پرا ئیویٹ لمیٹڈ8،شاہراہ قائد اعظم 64، ایبی آوٹ دور90،عسکری ٹین 79اور لاہور امریکن سکول 84 ریکارڈ کیا گیا۔