راولپنڈی میں تیل سے بھرا ٹینکر بے قابو ہوکر الٹ گیا

اتوار 4 مئی 2025 15:40

راولپنڈی(اُردو پوائنٹ اخبارتازہ ترین - این این آئی۔ 04 مئی2025ء)تھانہ جاتلی کے علاقے میانہ موہڑہ کے قریب تیل سے بھرا ہوا آئل ٹینکر ڈرائیور سے بے قابو ہوکر سڑک کنارے گہرائی میں الٹ گیا۔ حادثے کی اطلاع ملتے ہی پولیس، ریسکیو 1122، ضلعی انتظامیہ اور آئل فیلڈ کی ٹیکنیکل ٹیم موقع پر پہنچ گئیں۔

(جاری ہے)

پولیس کے مطابق آئل ٹینکر ہزاروں لیٹر تیل لوڈ کرکے آئل فیلڈ سے روانہ ہوا تھا اور سڑک کی خرابی کے باعث حادثے کا شکار ہوا۔

پولیس ٹیم نے فوری طور پر متاثرہ مقام کو حصار میں لے لیا جبکہ شاہراہ پر ٹریفک کو بھی عارضی طور پر روک دیا گیا۔حادثے میں آئل ٹینکر کا ڈرائیور زخمی ہوگیا، جسے فوری طور پر قریبی اسپتال منتقل کر دیا گیا۔ پولیس انسپکٹر عصمت اور ایس ایچ او جاتلی کی نگرانی میں آئل کو دوسرے ٹینکر میں منتقل کرنے کا عمل شروع کر دیا گیا ہے تاکہ کسی ممکنہ حادثے یا آتشزدگی سے بچا جا سکے۔

Facebook Twitter Google + Share on Whatsapp

راولپنڈی میں تیل سے بھرا ٹینکر بے قابو ہوکر الٹ گیا

متعلقہ عنوان :

مزید قومی خبریں