Live Updates

ٌترک بحری جہاز خیرسگالی دورے پرکراچی پہنچ گیا، کراچی بندرگاہ پر بیوک ادا کا پرتپاک استقبال

=دورے کے دوران پاک ترک بحری تعاون اور پیشہ ورانہ امور پر تبادلہ خیال ہوگا، ترک بحری جہاز کی آمد پاک ترک لازوال دوستی اور بھائی چارے کی علامت ہے، آئی ایس پی آر

اتوار 4 مئی 2025 20:20

I کراچی(اُردو پوائنٹ اخبارتازہ ترین - آن لائن۔ 04 مئی2025ء)ترک بحری جہاز خیرسگالی دورے پرکراچی پہنچ گیا، کراچی بندرگاہ پر بیوک ادا کا پرتپاک استقبال کیا گیا۔پاک فوج کے شعبہ تعلقات عامہ ( آئی ایس پی آر) کے مطابق ترک بحری جہاز خیرسگالی دورے پر کراچی پہنچ گیا، کراچی بندرگاہ آمد پر ترکیہ اور پاک بحریہ کے حکام نے جہاز کا پرتپاک استقبال کیا۔

(جاری ہے)

آئی ایس پی آر کے مطابق دورے کے دوران پاک ترک بحری تعاون اور پیشہ ورانہ امور پر تبادلہ خیال ہوگا، ترک بحری جہاز کی آمد پاک ترک لازوال دوستی اور بھائی چارے کی علامت ہے۔

ترک بحری جہاز کا یہ خیر سگالی دورہ پاکستان اور ترکیہ کے مابین مضبوط ہوتے ہوئے بحری تعلقات کا مظہر ہے، جو دونوں برادر ممالک کے درمیان صدیوں پر محیط تاریخی، ثقافتی اور تزویراتی روابط اور باہمی اعتماد پر استوار ہیں۔