بھارت کو دنیا سے وہ رسپانس نہیں ملا جو وہ چاہتا تھا،عطا تارڑ

بھارت پوری دنیا میں دہشتگردی کو پروموٹ کریگا تو اس سے کیوں بات کی جائے گی،وزیراطلاعات

اتوار 4 مئی 2025 23:20

اسلام آباد(اُردو پوائنٹ اخبارتازہ ترین - این این آئی۔ 04 مئی2025ء)وفاقی وزیر اطلاعات اللہ تارڑ نے کہا ہے کہ بھارت کو دنیا کی طرف سے وہ رسپانس نہیں ملا ، جو وہ چاہتا تھا۔نجی ٹی وی کے پروگرام میں گفتگو کرتے ہوئے وفاقی وزیرعطا اللہ تارڑ نے کہا کہ پہلگام واقعے کا پاکستان سے دور دور تک کا کوئی تعلق نہیں ہے۔

(جاری ہے)

انہوں نے کہا کہ2019 میں بھارت کے 2جہاز گرائے، پائلٹ کو چائے پلا کر واپس بھیجا، بھارت اگر دوبارہ ایسا کچھ کرے گا تو اسے بھرپور جواب دیا جائے گا۔

وفاقی وزیر نے کہا کہ جب بھارت پوری دنیا میں دہشت گردی کو پروموٹ کرے گا تو اس سے کیوں بات کی جائے گی۔انہوںنے کہاکہ وزیر اعظم شہباز شریف نے پہلگام واقعے پر تحقیقات کی پیش کی، موجودہ صورتحال میں پوری قوم متحد ہے۔عطا تارڑ نے کہا کہ ہم اپوزیشن کے ساتھ چلنے کو تیار ہیں، اس وقت اپوزیشن کے کسی بیان کا جواب نہیں دینا چاہتے۔