و طن عزیز پر بھارتی کی کسی بھی وحشیانہ جارحیت کا منہ توڑ جواب ملے گاض، محمد اعجاز چوھدری

مکوآنہ (اُردو پوائنٹ اخبارتازہ ترین - این این آئی۔ 05 مئی2025ء)پاکستان پیپلزپارٹی کے ضلعی صدر محمد اعجاز چوھدری نے کہا کہ و طن عزیز پر بھارتی کی کسی بھی وحشیانہ جارحیت کا منہ توڑ جواب ملے گاپاکستانی قوم اپنی عظیم افواج پاکستان کی پشت پر پوری قوت سے کھڑی ہے ہم اپنے عظیم سپہ سالار آرمی چیف سید محمد عاصم منیر کے قومی بیانے غزوہ ہند کی مکمل حمایت کرتے ہیں اگر انڈیا جنگ کرنا چاہتا ہے تو پچیس کڑور عوام بھارت کے خلاف جنگ کے لئے تیار ہیںجنوبی ایشیا میں ہندوستان کی بالا دستی کا ’’امریکی واسرائیلی‘‘ خواب کبھی پورہ نہیں ہوگا ’’مظلوم کشمیروں کے غم جانے کب ہونگے ہندوستان میں جب بھی الیکشن آتا ہے بد بخت مودی پاکستانی کارڈ کھیلتا ہے اور سر حدوں پر انارگی اور کشیدگی کروانے کے لئے شر انگیزیاں شروع کر دیتا ہے ملک کی تمام سیاسی جماعتیںاور پاکستانی قوم قائد عوام شہید بھٹو اور ڈاکٹر قدیر خان جو محسن پاکستان ہے ان کے احسان مند ہیں جن کی بدولت آج پاکستان دنیا کی پر امن اسلامی ایٹمی قوت ہے جو خطے میں امن چاہتا ہے لیکن بھارت کسی گھمنڈ میں نہ رہے ہماری افواج پاکستان ہندوستان کو 1965 سے بھر کے ناک چنے چبائے گئی ضلعی صدر محمد اعجاز چوہدری نے کہا کہ عالمی طاقتوںکا مسلم کش سامراجی ایجنڈا کب ختم ہوگا اقوام متحدہ کی مجرمانہ غفلت اور مسلم حکمرانوں کی بے حسی کب ختم ہوگی جنوبی ایشیائمیں قیام امن کیلئے مسئلہ کشمیر حل کرنا ہوگا۔

(جاری ہے)

مودی سرکار کی انتہا پسندانہ پالیسیاں خطے کے امن کیلئے ’کینسر‘ ہیں بھارتی اوراسرائیلی جنونیت کا نوٹس فوری نہ لیا گیا تو عالمی امن تباہ ہو جائے گا۔ان خیالات کا اظہار مقررین نے این اے 99 اور پی پی 107کی غیور عوام فیصل آبادکے زیر اہتمام ہری سنگھ دین پراڈائز سمندری روڈ سے لے کر ضلع کو نسل چوک نکالی گئی تحفظ پاکستان کی ریلی کے شرکائحلقہ کی تمام سیاسی ومذہبی جماعتوں کے کارکنوں اور پیپلز پارٹی کے جیالوں اور عہدیداروں سمیت صحافی برادری سے خطاب کرتے ہوئے کیا۔

پاک فوج کے حق میں ریلی کے شرکا ئنے زبرداست نعرے بازی کی قاتل قاتل مودی قاتل امن کا دشمن بھارت مردہ آباد اور پاکستان زند آباد پاک آرمی پائندہ باد کے نعروں سے فضا گونجتی رہی بھارتی وزیر اعظم مودی بد بخت کے پتلے کو نظر آتش کیا گیا ریلی پر امن طور پر اپنی منز ل کی جانب روانہ ہوگئی