ملک کے بیشتر علاقوں میں موسم گرم اور خشک رہنے کا امکان ہے ، محکمہ موسمیات

منگل 6 مئی 2025 23:25

اسلام آباد (اُردو پوائنٹ اخبارتازہ ترین - اے پی پی۔ 06 مئی2025ء) آئندہ 24 گھنٹوں کے دوران ملک کے بیشتر علاقوں میں موسم گرم اور خشک رہنے کا امکان ہے تاہم بالائی خیبرپختونخوا ، کشمیر اور ملحقہ پہاڑی علاقوں میں چند مقامات پرتیز ہواؤں اورگرج چمک کے ساتھ بارش کی توقع ہے۔

(جاری ہے)

محکمہ موسمیات کے مطابق (کل )بدھ کو ملک کے بیشتر علاقوں میں موسم گرم اور مطلع جزوی ابرآلود رہنے کا امکان ہے تاہم شام/رات میں مطلع جزوی ابرآلود رہنے کے علاوہ کشمیر ، خیبرپختونخوا، جنوب مشرقی سندھ اور خطہ پوٹھوہار میں چند مقامات پرتیز ہواؤں اورگرج چمک کے ساتھ بارش کی توقع ہے۔

گذشتہ 24 گھنٹوں کے دوران ملک کے بیشتر علاقوں میں موسم گرم اور خشک رہا تاہم سندھ ،بالائی خیبرپختونخوا اور کشمیر میں چند مقامات پرتیز ہواؤں اور گرج چمک کے ساتھ بارش ہوئی۔سب سے زیادہ بارش سندھ میں مٹھی 18، بدین 11، خیبرپختونخوا میں مالم جبہ 12، کاکول 02، کشمیر میں راولاکوٹ اور مظفرآباد سٹی میں ایک ملی میٹر بارش ریکارڈ کی گئی۔منگل کو ریکارڈ کئے گئے زیادہ سےزیادہ درجہ حرارت نوکنڈی 43، دالبندین، جیکب آباد 41، چھور، دادو، لسبیلہ، سبی میں 40ڈگری سینٹی گریڈ ریکارڈ کیا گیا۔