Live Updates

بھارتی فوج نے لائن آف کنٹرول کے چورا کمپلیکس پر سفید جھنڈا لہرا کر اپنی شکست کا اعتراف کرلیا

بدھ 7 مئی 2025 21:38

مظفرآباد (اُردو پوائنٹ اخبارتازہ ترین - آن لائن۔ 07 مئی2025ء) بھارتی فوج نے لائن آف کنٹرول کے چورا کمپلیکس پر سفید جھنڈا لہرا کر اپنی شکست کا اعتراف کر لیا ۔ وزیر اطلاعات عطاء اللہ تارڑ نے تصدیق کرتے ہوے کہا ہے کہ بھارت سفید جھنڈا لہرانے پر مجبور ہوگیا، یہ اس کیلئے شرم کا مقام ہے۔ سکیورٹی ذرائع کے مطابق پاک فوج کے جوابی وار پر بھارت نے ہاتھ کھڑے کر دیئے، پاکستان آرمی کی جانب سے لائن آف کنٹرول پر دشمن کی پوسٹوں کو بھاری نقصان پہنچایا گیا تھا۔

بھارت نے منگل کی رات گئے بزدلانہ حملے کئے تھے جس کے جواب میں پاک فوج نے بھرپور جواب دیتے ہوئے ان کی متعدد چیک پوسٹوں کو تباہ اور 5 بھارتی طیارے تباہ کر دیئے تھے۔بھارتی میڈیا نے بھی یہ بات تسلیم کر لی ہے کہ اس کے پاکستان کی فوج نے طیارے مار گرائے ہیں۔

(جاری ہے)

دوسری جانب وزیر دفاع خواجہ آصف کا کہنا ہے کہ بھارت کو جارحیت مہنگی پڑ گئی، پاکستان نے بھارتی جارحیت کے جواب میں کارروائی میں برتری حاصل کرلی، دشمن نے بہت مار کھا لی، بھارتی فوجی پوسٹیں چھوڑ کر بھاگ گئے، اب ہم حالت جنگ میں ہیں اور یہ جنگ بھارت نے مسلط کی ہے۔

وفاقی وزیر اطلاعات عطاء اللہ تارڑ نے نے بھی اپنے بیان میں تصدیق کرتے ہوے کہا ہے کہ بھارت سفید جھنڈا لہرانے پر مجبور ہوگیا، یہ بھارت کیلئے شرم کا مقام ہے۔ ان کا کہنا تھا کہ بھارتی میڈیا تسلیم کر رہا ہے پاکستان نے 5 جہاز مار گرائے ہیں، رات کے اندھیرے میں حملہ کرنا بزدلی کی نشانی ہے، پاکستانی قوم اور افواج پاکستان کا مورال بلند ہے۔