جی ڈی اے کے تحت کراچی میں تحفظ پاکستان کے عنوان سے ریلی کا انعقاد

کراچی(اُردو پوائنٹ اخبارتازہ ترین - این این آئی۔ 09 مئی2025ء) گرینڈ ڈیموکریٹک الائنس(جی ڈی اے ) کے تحت کراچی میں تحفظ پاکستان کے عنوان سے تاریخی ریلی کا انعقادکیاگیا، ریلی میں سیاسی اور مذہبی جماعتوں کے ہزاروں کارکنان کی شرکت، قومی پرچم تھامے، مودی کو للکارتے ہوئے کارکنان کے افواج پاکستان کی حمایت میں فلک شگاف نعرے، جی ڈی اے کے ڈاکٹر صفدر عباسی، سردار عبدالرحیم، جے یو آئی کے قاری عثمان اور مہاجر قومی موومنٹ کے عدنان خان کا ریلی کے شرکا سے خطاب میں کہاکہ مودی خطے کے امن کا دشمن ہے حکومت اجازت دے تو پوری پاکستانی قوم ہندوستان کو مودی کا قبرستان بنانے کے لیے تیار ہے، پاکستانی قوم افواج پاکستان کے شانہ بشانہ اور سیسہ پلائی ہوئی دیوار کی طرح متحد ہے۔

ہمیں اپنی بہادر افواج پر فخر ہے، جمعہ کی شام جی ڈی اے کے تحت کراچی پریس کلب کے سامنے تحفظ پاکستان ریلی کا انعقاد کیا گیا جس میں جی ڈی اے،جے یو آئی، مہاجر قومی موومنٹ سمیت دیگر سیاسی و مذہبی جماعتوں کے کارکنان و رہنما شریک ہوئے۔

(جاری ہے)

شہر بھر سے کارکنان قافلوں اور چھوٹی ریلیوں کی شکل میں کراچی پریس کلب پہنچے جہاں ایک بڑی ریلی کا انعقاد کیا گیا، تحفظ پاکستان ریلی میں مرد اور خواتین کارکنان کی بڑی تعداد شریک تھی پرجوش کارکنان نے افواج پاکستان کی حمایت اور بزدل مودی کے خلاف شدید نعرے لگائے۔

شرکا سے خطاب کرتے ہوئے ڈاکٹر صفدر عباسی کا کہنا تھا کہ ہم وطن کے تحفظ کی خاطر ہر قسم کی قربانی دینے کے لیے تیار ہیں مودی نے پاکستان کی طرف میلی آنکھ سے دیکھا تو اسکی دونوں آنکھیں نکال لیں گے قوم مودی کے وجود تک کو مٹانے کے لئے تیار ہے ہم افواج پاکستان کے ساتھ کھڑے ہیں ہم فوج کے شانہ بشانہ ہر محاز پر لڑنے کے لیے تیار ہیں انہوں نے کہا کہ انڈیا کے ڈرون کیا چیز ہیں اگر افواج پاکستان نے حملہ کیا تو مودی کو دن میں تارے نظر آئینگے آج کی ریلی نے فیصلہ دے دیا کہ پاکستان کی طرف کسی بھی میلی آنکھ کو برداشت نہیں کریں گے بھارت اپنے عوام کی حفاظت نہیں کرپارہا بھارتی سکیورٹی کی ناکامی پر الزام پاکستان پر لگایا جارہا ہے دنیا جانتی ہے مودی، اسکی حکومت اور وہاں کا گودی میڈیا جھوٹ بولنے ماہر ہیں بہادر فوج پر پاکستانیوں کو فخر ہے جیت ہماری کلمہ گو فوج کی ہوگی جی ڈی اے جے سیکریٹری اطلاعات سردار عبدالرحیم نے اپنے خطاب میں کہا کہ مودی کی حیثیت صفرہے ہمارے ایم ایم عالم نے تاریخ میں بھارت کو سبق سکھایا تھا ہم بھارت کے دانت کھٹے کردیں گے مودی میں ہمت نہیں کہ وہ ہماری سرحد پار کرے پاکستان کے عوام ایک پیج پرہیں پاک فضائیہ کے جانباز ثپوتوں نے رافیل مارگرائے پاک فضائیہ کے جوانوں کو سلام پیش کرتاہوں انہوں نے مزید کہا کہ مودی کو پاک فوج منہ توڑ جواب دیگی پوری قوم متحد ہے مودی سرکار بزدل ہے۔

مودی اپنی عوام میں مقبول ہونے کے لیے اس طرے کے ہتھکنڈے استعمال کررہا ہے بھارتی میڈیا بلاوجہ واویلا کررہا ہے پیر صاحب پگارا کے حر مجاہد فوج کے شانہ بشانہ کھڑے ہوں گے حر مجاہد وطن کی سرحدوں کی حفاظت کے لیے ہمہ وقت تیار ہیں۔ حکومت سرحدوں پر جانے کی اجازت دے تو لاکھوں کی تعداد میں عوام جانے کے لئے تیار ہیں اس موقع پر کارکنان نے بھیج پاگارا اور سرحدوں پر جانے کے لئے فلک شگاف نعرے لگائے۔

ریلی سے خطاب کرتے ہوئے رہنما جے یو آئی قاری عثمان نے کہا کہ پاکستانی قوم متحد اور افواج پاکستان کے ساتھ کھڑی ہے بھارت کو نہیں بخشیں گے بھارت کو پاک فوج منہ توڑ جواب دیگی افواج پاکستان اجازت دے تو پاکستانی قوم بھارت میں گھس کر ہندوستانی فوج کومنہ توڑ جواب دے گی پاکستانی قوم ہندوستان کو انکے لیے قبرستان بنا دیں گے پوری قوم پاک کے فوج کے شانہ بشانہ کھڑی ہے مہاجر قومی موومنٹ کے رہنما عدنان خان نے جی ڈی اے کی تحفظ پاکستان ریلی سے خطاب کرتے ہوئے کہا کہ پاکستانی قوم متحد ہے اور رہیگی بھارت کی ہر سازش ناکام ہوگی۔

افواج پاکستان تنہا نہیں ہے پوری قوم سیسہ پلائی ہوئی دیوار بن کر کھڑی ہے۔ جے یو آئی کے رہنما نور الحق نے کہا کہ پوری قوم افواج پاکستان کے شانہ بشانہ کھڑی ہے بھارت کا کالا منہ ہوگا، رات کے اندھیرے میں پاکستان پر حملہ قابل مزمت ہے۔ پاکستان قوم کو اپنی بہادر افواج پر فخر ہے۔ ریلی سے فنکشنل مسلم لیگ کے اسامہ جعفری سید خرم شاہ، حسن رضا شاہ سمیت دیگر نے بھی خطاب کیا۔