Live Updates

پاکستان نے اودھم پور میں بھارت کا ایس 400 سسٹم تباہ کردیا

ہفتہ 10 مئی 2025 15:50

اسلام آباد (اُردو پوائنٹ اخبارتازہ ترین - اے پی پی۔ 10 مئی2025ء) پاک فضائیہ کے جے ایف 17 تھنڈر طیاروں نے ہائپر سونک میزائلوں سے اودھم پور میں بھارت کے ایئر ڈیفنس سسٹم ایس 400 کو تباہ کردیا ہے ، ایس 400 سسٹم کی قیمت تقریباً 1.5 ارب ڈالر ہے اور ایس 400 ایئر ڈیفنس سسٹم بھارت کے جدید ترین دفاعی اثاثوں میں شامل تھا۔

(جاری ہے)

اسی طرح ایک اور بڑے حملے میں راجوڑی میں ایک اہم بھارتی ملٹری انٹیلی جنس ٹریننگ سینٹر کو بھی تباہ کیا گیا ہے ، یہ سینٹر پاکستان میں دہشتگردانہ سرگرمیوں کی منصوبہ بندی میں ملوث تھا۔

بھارت کے ایک اہم فوجی اڈے سرسہ ایئر فیلڈ کو بھی نقصان پہنچایا گیا ہے اور بھارتی میڈیا نے بھی اس کی تصدیق کی ہے جو پاکستان کے دعوئوں کی تائید ہے۔ مزید برآں پاکستانی ڈرونز کو بھارتی وزیراعظم مودی کی آبائی ریاست گجرات میں بھی پرواز کرتے ہوئے دیکھا گیا ہے جس سے علاقے میں شدید تشویش پائی جاتی ہے۔