Live Updates

پاکستان آج کے روز طے پانے والی جنگ بندی کے معاہدے پر مخلصانہ عملدرآمد کے لیے پُرعزم ہے، ترجمان دفتر خارجہ

اتوار 11 مئی 2025 00:50

اسلام آباد (اُردو پوائنٹ اخبارتازہ ترین - اے پی پی۔ 11 مئی2025ء) پاکستان نے کہا ہے کہ ہم، دونوں ممالک کے درمیان آج کے روز طے پانے والی جنگ بندی کے معاہدے پر مخلصانہ عملدرآمد کے لیے پُرعزم ہے۔

(جاری ہے)

اگرچہ بعض علاقوں میں بھارت کی جانب سے خلاف ورزیاں کی جا رہی ہیں، لیکن ہماری افواج ذمہ داری اور ضبط و تحمل کے ساتھ صورتحال کو سنبھال رہی ہیں۔ترجمان دفتر خارجہ نےبھارتی خارجہ سیکرٹری کے جنگ بندی کی خلاف ورزیوں سے متعلق بیان سے متعلق میڈیا کے سوالات کا جواب دیتے ہوئے نے کہا کہ ہم سمجھتے ہیں کہ جنگ بندی پر مؤثر عملدرآمد سے متعلق کسی بھی مسئلے کو مناسب سطح پر رابطے کے ذریعے حل کیا جانا چاہیے۔ زمینی سطح پر تعینات افواج کو بھی تحمل کا مظاہرہ کرنا چاہیے۔