گوادر میں دہشت گردوں کا بلال مسجد کے قریب ایک گھر پر دستی بم سے حملہ

اتوار 11 مئی 2025 13:00

کوئٹہ (اُردو پوائنٹ اخبارتازہ ترین - اے پی پی۔ 11 مئی2025ء) ترجمان بلوچستان حکومت شاہد رند نے کہا ہے کہ گوادر میں دہشت گردوں نے بلال مسجد کے قریب ایک گھر پر دستی بم حملہ کیا جس کے نتیجے میں 3افراد زخمی ہوئے ہیں، اتوار کو اپنے بیان میں ترجمان بلوچستان حکومت شاہد رند نے کہا کہ گوادر میں دستی بم حملے پر پولیس نے فوری رد عمل دیا اور فرار ہونے کی کوشش کے دوران حملہ آوروں اور پولیس کا مقابلہ ہوا،جس میں پولیس ایک حملہ آور ہلاک اور دوسرا زخمی ہوگیا۔