Live Updates

وفاقی وزیر برائے سائنس و ٹیکنالوجی خالد حسین مگسی کی بھارت کے خلاف آپریشن بُنیان المرصوص کی کامیاب تکمیل پر قوم کو مبارکباد

اتوار 11 مئی 2025 23:50

اسلام آباد (اُردو پوائنٹ اخبارتازہ ترین - اے پی پی۔ 11 مئی2025ء) وفاقی وزیر برائے سائنس و ٹیکنالوجی خالد حسین مگسی نے بھارت کے خلاف آپریشن بُنیان المرصوص کی کامیاب تکمیل پر قوم کو مبارکباد دی ہے۔اتوار کو اپنے ایک بیان میں وفاقی وزیر نے کہا کہ اس آپریشن نے جنگ بندی اور بین الاقوامی سفارتی مصروفیات کو فعال کرنے بشمول امریکہ کی مداخلت نے فیصلہ کن کردار ادا کیا۔

(جاری ہے)

انہوں نے کہا کہ آپریشن بنیان المرصوص نے عالمی توجہ مبذول کرائی۔انہوں نے کہا کہ آپریشن کے کامیاب فضائی حملوں نے دشمن کو بھرپور اور بروقت جواب دیا۔ انہوں نے کہا کہ بنیان المرصوص اب ہمارے قومی اتحاد اور فوجی طاقت کی علامت بن گیا ہے۔وفاقی وزیر نے مزید کہا کہ عالمی برادری نے اس آپریشن کو پاکستان کی جانب سے ایک جائز دفاعی کارروائی کے طور پر تسلیم کیا ہے۔