امریکا اور چین کے درمیان تجارتی معاہدہ ہوگیا، وائٹ ہاوس

معاہدہ تجارتی خسارہ کم کرنے میں مددگار ہوگا،امریکی تجارتی نمائندہ کی گفتگو

پیر 12 مئی 2025 14:27

جنیوا (اُردو پوائنٹ اخبارتازہ ترین - این این آئی۔ 12 مئی2025ء)جنیوا میں امریکا اور چین کے درمیان تجارتی معاہدہ ہوگیا، وائٹ ہاوس کے مطابق امریکی صدر کو مذاکرات کے نتائج سے آگاہ کر دیا گیا ہے۔میڈیارپورٹس کے مطابق امریکی وزیر خزانہ کا کہنا تھا کہ چین کے ساتھ مذاکرات میں نمایاں پیش رفت ہوئی ہے، تجارتی معاہدے کی تفصیلات صبح جاری کی جائیں گی۔

(جاری ہے)

امریکی وزیر خزانہ نے سوئس حکومت کی میزبانی پر شکریہ ادا کیا، مذاکرات میں امریکی نائب صدر، دو وزرا اور سفیر شریک ہوئے۔امریکی تجارتی نمائندے جیمیسن گریز کا کہنا تھا کہ چین کے ساتھ مذاکرات کے نتیجے میں مثبت پیش رفت ہوئی، معاہدہ تجارتی خسارہ کم کرنے میں مددگار ہوگا۔جیمیسن گریز کا مزید کہنا تھا کہ امریکا کا 1.2 ٹریلین ڈالر تجارتی خسارہ کم کرنے کیلئے معاہدہ اہم ہے۔