سرگودھا سپیشل آپریشنز سیل کی کارروائی ، قتل کے مقدمہ میں مطلوب اشتہاری گرفتار

منگل 13 مئی 2025 14:59

سرگودھا (اُردو پوائنٹ اخبارتازہ ترین - اے پی پی۔ 13 مئی2025ء) سرگودھا سپیشل آپریشنز سیل نے کارروائی کرتے ہوئے بیرون ملک مفرور قتل کے مقدمہ میں مطلوب اشتہاری کو گرفتارکرلیا۔

(جاری ہے)

ملزم اشتہاری عثمان تھانہ بھیرہ پولیس کو 2024 سے مطلوب تھا ملزم عثمان نے دیگر ساتھیوں کے ہمراہ مختار کو فائرنگ کرکے قتل کر دیا تھا ، ملزم کے دیگر ساتھی ظفر اور سعی محمد کو جیل بھجوایا جا چکا ہے، ملزم عثمان غیر قانونی طور پر عمان میں مقیم تھا۔

سپیشل آپریشنز سیل نے جدید ٹیکنالوجی کا استعمال کرتے ہوئے ملزم کو ٹریس کر کے گرفتار کیا ملزم کو قرار واقعی سزا دلوانے کے لیے قانونی پیروی کی جائے گی ۔ اس موقع پر آر پی او آصف شہزاد کا کہنا تھاکہ آئی جی پنجاب کی ہدایت پر بیرون ملک فرار تمام اشتہاریوں کی گرفتاری کےلئے متحرک ہے ۔