Live Updates

مینٹور شپ سے فارغ کیے جانے پر شعیب ملک کا ردعمل بھی سامنے آگیا

2 ہفتے قبل بورڈ کو مینٹور شپ سے الگ ہونے سے متعلق تحریری طور پر آگاہ کردیا تھا، شعیب ملک

منگل 13 مئی 2025 20:05

ح*لاہور(اُردو پوائنٹ اخبارتازہ ترین - آن لائن۔ 13 مئی2025ء)پاکستان کرکٹ بورڈ (پی سی بی) کی جانب سے قومی ٹیم کے مینٹورز کو فارغ کرنے کی خبریں سامنے آنے کے بعد آل راؤنڈر شعیب ملک کا بیان بھی آگیا۔سماجی رابطے کی سائٹ ایکس (ٹوئٹر) پر لکھا کہ 2 ہفتے قبل پاکستان کرکٹ بورڈ (پی سی بی) کو مینٹور شپ سے الگ ہونے سے متعلق تحریری طور پر آگاہ کردیا تھا۔

(جاری ہے)

انہوں نے کہا کہ بطور مینٹور کوئی آسان فیصلہ نہیں تھا لیکن اپنی ذمہ داریوں کو دیکھتے ہوئے عہدے سے ہٹنے کا فیصلہ کیا تھا تاکہ پاکستان کرکٹ بورڈ (پی سی بی) کو اگلے سیزن سے قبل کسی دوسرے کرکٹر کو منتخب کرنے کا مناسب وقت مل جائے۔شعیب ملک نے اپنی پوسٹ میں چیئرمین پاکستان کرکٹ بورڈ (پی سی بی) محسن نقوی، چیمپئنز ایونٹس کے ڈائریکٹر وہاب ریاض اور ٹیم اسٹالینز کے کوچنگ اسٹاف کا بھی شکریہ ادا کیا۔قبل ازیں خبریں سامنے آئیں تھی کہ پاکستان کرکٹ بورڈ (پی سی پی) نے شعیب ملک سمیت 4 سابق کھلاڑیوں اور ٹیموں کے مینٹورز کو فارغ کرنے کا فیصلہ کیا تھا۔