Live Updates

واہگہ اٹاری پوسٹ پر پاکستان اور بھارت کے درمیان ایک ایک قیدی کا تبادلہ

بھارتی بارڈر سیکیورٹی فورس کے اہلکار پورنم کمار شاہ کو بھارتی جبکہ پنجاب رینجرز کے جوان محمد اللہ کو پاکستانی حکام کے حوالے کیا گیا.رپورٹ

میاں محمد ندیم بدھ 14 مئی 2025 13:50

واہگہ اٹاری پوسٹ پر پاکستان اور بھارت کے درمیان ایک ایک قیدی کا تبادلہ

لاہور(اردوپوائنٹ اخبارتازہ ترین-انٹرنیشنل پریس ایجنسی۔ 14 مئی ۔2025 )لاہور میں واہگہ اٹاری پوسٹ پر پاکستان اور بھارت کے درمیان ایک ایک قیدی کا تبادلہ ہوا ہے نجی ٹی وی نے سیکورٹی ذرائع کے حوالے سے بتایاہے بھارتی بارڈر سیکیورٹی فورس( بی ایس ایف) کے اہلکار پورنم کمار شاہ کو بھارتی حکام کے حوالے کیاگیا جبکہ پنجاب رینجرز کے جوان محمد اللہ کو پاکستانی حکام کے حوالے کر دیا گیا.

(جاری ہے)

پاکستان رینجرز نے سرحدی خلاف ورزی پر بی ایس ایف کے اہلکار پورنم کمار شاہ جبکہ بی ایس ایف نے پنجاب رینجرز کے جوان محمداللہ کو گرفتار کیا تھا پورنم کمار شاہ کو 23 اپریل کو پاکستان رینجرز نے قصور سے حراست میں لیا تھا، بھارتی فوج کے ایک بیان کے مطابق متعدد میڈیا اداروں نے بی ایس ایف اہلکار کی واپسی کی بھی اطلاع دی. بھارتی جریدے ”انڈین ایکسپریس“ نے بی ایس ایف کے حوالے سے بتایا کہ یہ حوالگی پرامن طریقے سے اور طے شدہ ضوابط کے مطابق عمل میں لائی گئی رپورٹ کے مطابق بھارتی جریدے نے رپورٹ کیا تھا کہ 34 سالہ پورنم کمار کا خاندان مغربی بنگال میں ہے جسے امید تھی کہ سفارتی کوششیں ان کی واپسی میں مددگار ثابت ہوں گی.

پورنم پنجاب کے ضلع فیروز پور میں بی ایس ایف کی 24ویں بٹالین میں تعینات ہیں اور 23 اپریل کو ان کی ڈیوٹی بھارت پاکستان کی سرحد پر تھی جب انہوں نے مقامی کسانوں کو ایک خطرناک علاقے سے نکالنے میں مدد کی اور مبینہ طور پر بین الاقوامی سرحد عبور کرلی تھی رپورٹ کے مطابق یہ واقعہ اس وقت پیش آیا جب بھارت اور پاکستان کے درمیان صورتحال کشیدہ تھی پورنم کمار کے بارے میں کہا جاتا ہے کہ انہیں پاکستانی فوج نے حراست میں لیا اور بعد میں ایک تصویر جاری کی جس میں ان کی آنکھوں پر پٹی باندھ کر دکھایا گیا جس سے ان کی گرفتاری کی تصدیق ہوئی تھی.