Live Updates

نجم سیٹھی کا انٹرویو کرنے پر بھارتی صحافی کیخلاف مقدمہ درج

کرن ٹھاپر کے خلاف مقدمہ بھارتی وکیل گوتم سبھروال کی شکایت پر درج کیا گیا ہے

جمعرات 15 مئی 2025 12:06

نجم سیٹھی کا انٹرویو کرنے پر بھارتی صحافی کیخلاف مقدمہ درج

نئی دہلی (اُردو پوائنٹ اخبارتازہ ترین - این این آئی۔ 15 مئی2025ء)پاکستانی تجزیہ کار نجم سیٹھی کا انٹرویو کرنے پر بھارتی صحافی کرن ٹھاپر کے خلاف دہلی میں مقدمہ درج ہوگیا۔کرن ٹھاپر کے خلاف مقدمہ بھارتی وکیل گوتم سبھروال کی شکایت پر درج کیا گیا ہے۔بھارتی وکیل نے مقدمے میں یہ موقف اختیار کیا کہ نجم سیٹھی نے بھارتی صحافی کو انٹرویو دینے سے پہلے آئی ایس آئی کے جنرل ہیڈ کوارٹر سے بریفنگ لی ہوگی اور یہ حقیقت شاید کرن ٹھاپر صاحب کو بھی معلوم تھی۔

(جاری ہے)

گوتم سبھروال نے ایک بھارتی یوٹیوب چینل کو انٹرویو دیتے ہوئے کرن ٹھاپر کی جانب سے نجم سیٹھی سے پوچھے گئے متعدد سوالات پر اعتراض کیا۔اٴْنہوں نے مزید کہا کہ نجم سیٹھی نے کرن ٹھاپر کے ایک سوال کے جواب میں کہا کہ’مجھے ذاتی طور پر یقین ہے کہ پہلگام واقعے میں بھارت ہی ملوث ہے پھر چاہے یہ بھارتی حکومت کی جانب سے کروایا گیا فالس فلیگ آپریشن تھا یا کسی مسلح گروپ کو اٴْکسا کر کروایا گیا‘ لیکن کرن ٹھاپر نے یہ جواب سن کے اپنے ملک کے دفاع میں ایک لفظ بھی نہیں کہا۔بھارتی وکیل نے کہا کہ کرن ٹھاپر کو پی این ایس کی دفعہ 152 اور 153 اور آفیشل سیکریٹ ایکٹ کی دفعہ 3 اور 4 کے تحت گرفتار کیا جائے۔