کراچی: مدرسے سے لڑکے کی لاش برآمد، استاد پر ساتھیوں کیساتھ ملکر بدفعلی و قتل کا مقدمہ درج

جمعرات 15 مئی 2025 17:09

کراچی (اُردو پوائنٹ اخبارتازہ ترین - این این آئی۔ 15 مئی2025ء)کراچی سے حیدرآباد جانے والی موٹروے ایم نائن پر دنبہ گوٹھ کے مدرسے سے 14 سال کے لڑکے کی لاش ملنے کے واقعے کا مقدمہ درج کر لیا گیا۔پولیس کے مطابق مقدمہ مقتول لڑکے کے بھائی کی مدعیت میں تھانہ گڈاپ میں درج کیا گیا ہے۔

(جاری ہے)

پولیس کا کہنا ہے کہ مقدمہ قتل اور بدفعلی کی دفعات کے تحت درج کیا گیا ہے۔مقدمے کے متن میں مقتول کے بھائی نے درج کرایا ہے کہ مدرسے کے استاد نے ساتھیوں کے ساتھ مل کر بھائی سے بدفعلی کی اور گلا دبا کر قتل کر دیا۔پولیس کا کہنا ہے کہ مقدمے میں نامزد ملزمان کی گرفتاری کے لیے کارروائی کی جا رہی ہے۔