Live Updates

سالانہ منصوبہ بندی رابطہ کمیٹی کا اجلاس 26، نیشنل اکاؤنٹس کمیٹی کا اجلاس 20 مئی کو طلب

جمعرات 15 مئی 2025 18:43

اسلام آباد (اُردو پوائنٹ اخبارتازہ ترین - این این آئی۔ 15 مئی2025ء)سالانہ منصوبہ بندی رابطہ کمیٹی (اے پی سی سی) کا اجلاس 26 مئی اور نیشنل اکاؤنٹس کمیٹی کا اجلاس 20 مئی کو طلب کرنے کا فیصلہ کیا گیا ہے۔میڈیا رپورٹ کے مطابق سالانہ منصوبہ بندی رابطہ کمیٹی (اے پی سی سی) کا اجلاس 26 مئی کو طلب کرنے کا فیصلہ کرلیا گیا ہے جس میں آئندہ مالی سال کے وفاقی ترقیاتی بجٹ کی سفارشات تیارکی جائیں گی۔

ذرائع نے بتایا ہے کہ سالانہ منصوبہ بندی رابطہ کمیٹی آئندہ مالی سال کا سالانہ معاشی پلان تجویز کرے گی جبکہ اجلاس میں رواں مالی سال کے وفاقی ترقیاتی بجٹ اور سالانہ معاشی پلان کا جائزہ لیا جائے گا۔ذرائع کے مطابق آئندہ مالی سال کے لیے وزارت خزانہ نے وفاقی ترقیاتی بجٹ کی حد 921 ارب روپے تجویز کی ہے، وزیراعظم کی اجازت سے نئے مالی سال کے ترقیاتی بجٹ کیحجم میں اضافیکی کوشش ہے۔

(جاری ہے)

ذرائع کے مطابق اجلاس میں نئے مالی سال کے معاشی شرح نمو کے ہدف کا جائزہ لیا جائے گا اور نئے مالی سال کے لیے زرعی، صنعتی اور خدمات شعبوں کے اہداف کا تعین کیا جائیگا۔ذرائع کے مطابق اے پی سی سی میں آئندہ مالی سال کے لیے مہنگائی کا ہدف بھی تجویز کیا جائے گا، اے پی سی سی کی سفارشات منظوری کے لیے قومی اقتصادی کونسل میں پیش کی جائیں گی۔وزیر اعظم کی زیر صدارت قومی اقتصادی کونسل (این ای سی) کا اجلاس 29 یا 30 مئی کو ہونے کا امکان ہے۔نیشنل اکاونٹس کمیٹی کا اجلاس 20 مئی کو طلب کرنیکا فیصلہ ہوا ہے، کمیٹی رواں مالی سال کے معاشی اہداف کی منظوری کاجائزہ لے گی۔ذرائع کے مطابق نیشنل اکاونٹس کمیٹی گذشتہ مالی سال کیمعاشی اہداف پرنظرثانی کی منظوری بھی دے گی۔