Live Updates

سکینہ خان ناکام محبت کے بارے میں بات کرتے ہوئے جذباتی ہوگئیں

مجھے ابھی بھی اپنی محبت کا انتظار ہے، یہ بات میں نے بتائی نہیں ہے لیکن وہ پہلے سے ہی جانتے ہیں

جمعہ 16 مئی 2025 12:17

کراچی (اُردو پوائنٹ اخبارتازہ ترین - این این آئی۔ 16 مئی2025ء)پاکستان شوبز انڈسٹری کی ابھرتی ہوئی اداکارہ سکینہ خان ناکام محبت کے بارے میں بات کرتے ہوئے جذباتی ہوگئیں۔سکینہ خان نے حال ہی میں نجی ٹی وی کے پروگرام میں بطور مہمان شرکت کی جہاں ان سے یہ سوال پوچھا گیا کہ کیا زندگی میں کبھی آپ کا دل ٹوٹا ہی انہوں نے اس سوال کے جواب میں کہا کہ جی حال ہی میں میرے ساتھ ایسا ہوا ہے اور مجھے اپنی محبت سے بہت امیدیں تھیں جو ٹوٹیں۔

اداکارہ نے مزید کہا کہ جب امید اور یقین ٹوٹتا ہے تو بہت زیادہ تکلیف ہوتی ہے لیکن مجھے اس تکلیف میں بھی بہت عجیب سا سکون ملتا ہے۔انہوں نے کہا کہ میرا ماننا ہے کہ جب دو لوگ ایک ساتھ وقت گزارتے ہیں تو انہیں اپنی زندگی میں گزرے اچھے لمحات کی قدر کرنی چاہیے۔

(جاری ہے)

سکینہ خان نے کہا کہ جب دو لوگ بچھڑتے ہیں تو یہ پھر اکثر یہ امید بھی کرتے ہیں کہ ان کی محبت انہیں واپس مل جائے گی اور یہ جو انتظار ہوتا ہے، یہ انسان کو اندر سے کھا جاتا ہے۔

انہوں نے کہا کہ مجھے ابھی بھی اپنی محبت کا انتظار ہے، یہ بات میں نے بتائی نہیں ہے لیکن وہ پہلے سے ہی جانتے ہیں۔اداکارہ نے یہ بھی کہا کہ مجھے ایسا بھی لگتا ہے کہ شاید مجھے اس نقصان پر صبر آجائے گا لیکن میری دعا ہے کہ صبر نہ آئے کیونکہ اگر صبر آنے کے بعد میری محبت میری زندگی میں واپس آگئی تو میں چاہوں گی کہ وہ واپس نہ آئے۔