Live Updates

وزیر مملکت کھیئل داس کوہستانی ، وزیر برائے اقلیتی امور رمیش سنگھ اروڑہ ویٹی کن سٹی میں پوپ لیو کی تقریب حلف برداری میں پاکستان کی نمائندگی کریں گے

ہفتہ 17 مئی 2025 15:34

اسلام آباد (اُردو پوائنٹ اخبارتازہ ترین - اے پی پی۔ 17 مئی2025ء) وزارت مذہبی امور اور بین المذاہب ہم آہنگی نے کہا ہے کہ وزیر مملکت برائےمذہبی امور اور بین المذاہب ہم آہنگی کھیئل داس کوہستانی اور پنجاب کے وزیر برائے اقلیتی امور رمیش سنگھ اروڑہ عالمی کیتھولک برادری کے نومنتخب روحانی پیشوا پوپ لیو کی تقریب حلف برداری میں پاکستان کی نمائندگی کریں گے۔

(جاری ہے)

وزارت کے ترجمان محمد عمر بٹ کی جانب سے ہفتہ کو جاری تفصیلات کے مطابق دونوں وزرا 18 مئی کو ویٹی کن سٹی میں ہونے والی تقریب میں شرکت کریں گے۔ ان کا دورہ بین المذاہب ہم آہنگی اور مذہبی تنوع کے احترام کے لیے پاکستان کے عزم کی نشاندہی کرتا ہے۔پوپ لیو رومن کیتھولک چرچ کے 267 ویں سربراہ بنیں گے، وہ دنیا بھر میں ایک ارب سے زیادہ کیتھولک کی قیادت سنبھالیں گے۔