Live Updates

بھارتی یوٹیوبر دھرو راٹھی گمراہ کن بیانیے پر ویڈیو بناکر شرمندگی سے دوچار

سکھوں کی ایس اے ڈی، ایس جی پی سی جیسی تنظیموں نے اسے گمراہ کن بیانیہ قرار دیدیا

منگل 20 مئی 2025 13:42

بھارتی یوٹیوبر دھرو راٹھی گمراہ کن بیانیے پر ویڈیو بناکر شرمندگی سے ..

ممبئی (اُردو پوائنٹ اخبارتازہ ترین - این این آئی۔ 20 مئی2025ء)بھارت کے معروف یوٹیوبر دھرو راٹھی گمراہ کن بیانیے پر ویڈیو بناکر شدید شرمندگی سے دوچار ہوگئے، سکھ رہنما نے یوٹیوبرکیخلاف ویڈیو جاری کردی۔سکھوں کے گرووں پر دھرو راٹھی نے حال ہی میں ایک ویڈیو بنائی جس میں کئی گرووں کو دکھانے کیلیے اے آئی ویڈیو کا استعمال کیا جس پر سکھوں کی جانب سے سخت ردعمل سامنے آیا ہے، ایس اے ڈی، ایس جی پی سی جیسی تنظیموں نے اسے گمراہ کن بیانیہ قرار دیا ہے۔

یوٹیوبر دھرو نے سکھ جنگجو جس نے مغلوں کو خوفزدہ کیا کے عنوان سے ایک اے آئی سے تیار کردہ ویڈیو پوسٹ کی تھی جس نے سکھوں کے جذبات کو ٹھیس پہنچائی ہے۔شرومنی اکالی دل(ایس اے ڈی)اور شرومنی گرودوارہ پربندھک کمیٹی(ایس جی پی سی)جیسی سکھوں کی تنظیم نے اس پر لب کشائی کرتے ہوئے اس ویڈیو کو گمراہ کن کہ اور فوری ڈیلیٹ کرنے کا مطالبہ کیا ہے۔

(جاری ہے)

ایکس پر ایک طویل پوسٹ میں، سکھبیر سنگھ بادل نے کہا کہ ان کی پارٹی ہمارے گرو صاحبان کی تصویر کشی کرنے والے اے آئی سے تیار کردہ نامناسب امیج استعمال کرنیوالی ویڈیو کی سختی سے مذمت کرتی ہے۔

انھوں نے کہا کہ اس طرح کی تصویر کشی سکھ رہت مریادا کی خلاف ورزی کرتی ہے جو گرو صاحبان کی اس طرح کی تصویر پر پابندی لگاتی ہے، اس چیز نے کمیونٹی کے جذبات کو گہری ٹھیس پہنچائی ہے۔