قصور، وزیر اعلی پنجاب کے ویژن کے مطابق عوام کو بہترین ، بروقت اور مفت طبی سہولیات کی فراہمی اولین ترجیح ہے ، ڈپٹی کمشنر

قصور (اُردو پوائنٹ اخبارتازہ ترین - اے پی پی۔ 20 مئی2025ء) وزیر اعلیٰ پنجاب مریم نوازشریف، چیف سیکرٹری پنجاب اور کمشنر لاہور ڈویژن کی خصوصی ہدایت پر ڈپٹی کمشنر عمران علی کابلھے شاہ ڈسٹرکٹ ہسپتال قصور نے امتحانی سنٹر گورنمنٹ گرلز ایم سی ہائی سکول طارق کالونی اور گورنمنٹ گرلز ایم سی ہائی سکول منیر شہید کالونی کا اچانک دورہ کیا۔ بلھے شاہ ڈسٹرکٹ ہسپتال کے دورہ کے دوران ڈپٹی کمشنر نے ہسپتال میں مریضوں اور ان کے لواحقین سے ملاقات کی، ان کی خیریت دریافت کی اور ہسپتال میں فراہم کی جانے والی طبی سہولیات کے بارے میں معلومات حاصل کیں۔

ڈاکٹرز، پیرامیڈیکل سٹاف کی حاضری، صفائی ستھرائی، ادویات کی دستیابی وغیرہ کا تفصیلی معائنہ کیا۔ متعلقہ افسران کو فوری بہتری اور مسائل کے حل کے لیے ہدایات جاری کیں۔

(جاری ہے)

مریضوں کو مہیا کی جانیوالی طبی سہولیات ، ڈاکٹرز و دیگر عملہ کی حاضری اور ادویات کے اسٹاک کا تفصیلی جائزہ لیتے ہوئے مریضوں اور انکے لواحقین سے ہسپتال میں مہیا کی جانیوالی سہولیات بارے دریافت کیا ۔

ہسپتال کے عملہ کو مریضوں اور انکے لواحقین کو بروقت ، بہترین اور مفت طبی سہولیات کی فراہمی یقینی بنانے کی ہدایات جاری کیں ۔ وزیر اعلی پنجاب مریم نواز شریف کے ویژن کے مطابق عوام الناس کو بہترین ، بروقت اور مفت طبی سہولیات کی فراہمی اولین ترجیح ہے ، عوام کو صحت کی سہولیات کی فراہمی میں کوئی کسر نہیں چھوڑیں گے ۔ ڈپٹی کمشنر نے ہدایات جاری کرتے ہوئے کہاکہ ادویات کی فراہمی اور ڈاکٹروں کی حاضری کو روزانہ کی بنیاد پر مانیٹر کیا جائے۔

ایمرجنسی وارڈ میں عملے کی مکمل دستیابی اور فوری رسپانس کو ہرصورت یقینی بنایا جائے۔ہسپتال کے تمام واش رومز اور وارڈز میں صفائی کے خاص انتظامات کیے جائیں۔۔ڈپٹی کمشنر نے مزید کہا کہ صحت کا شعبہ ہماری اولین ترجیح ہے اس شعبے میں بہتری کے لیے ایسے اچانک دورے جاری رہیں گے۔ انہوں نے عملے کو تنبیہ کی کہ فرائض میں غفلت کی کوئی گنجائش نہیں، غفلت اور لاپرواہی کی صورت میں سخت کارروائی سے گریز نہیں کیا جائے گا۔

علاوہ ازیں ڈپٹی کمشنر قصورعمران علی نے امتحانی سنٹر گورنمنٹ گرلز ایم سی ہائی سکول طارق کالونی اور گورنمنٹ گرلز ایم سی ہائی سکول منیر شہید کالونی کا بھی اچانک دورہ کیا۔ اساتذہ و عملے کی حاضری، صفائی ستھرائی، انرولمنٹ‘تدریس کے عمل سمیت دیگر سہولیات کو چیک کیا۔ طلباء سے مختلف تعلیمی سوالات پوچھے اور کوالٹی ایجو کیشن کا جائزہ لیا۔

ڈپٹی کمشنر نے مختلف کلاس رومز میں جا کر طالبات سے سوالات پوچھے اور کوالٹی ایجو کیشن کا جائزہ لیا۔ اس موقع پر ڈپٹی کمشنر نے ہدایت کی کہ کوالٹی ایجو کیشن پر بھرپور توجہ دی جائے۔ اساتذہ اپنی محنت اور جانفشانی سے بچوں کو تعلیم و تربیت دیں تا کہ بچے کامیاب ہو کر اپنے ملک و قوم کا نام روشن کریں۔ڈپٹی کمشنر نے امتحانی سینٹر کے مختلف کمروں کا معائنہ بھی کیا۔

انہوں نے امتحانی عمل کی شفافیت، نگرانی کے نظام، نظم و ضبط اور سیکیورٹی انتظامات کا بغور جائزہ لیا۔ اس موقع پر ڈی سی نے انتظامیہ کو ہدایت کی کہ امتحانی عمل میں کسی قسم کی کوتاہی برداشت نہیں کی جائے گی اور نقل یا بدعنوانی کی روک تھام کے لیے مؤثر اقدامات یقینی بنائے جائیں۔ڈپٹی کمشنر نے کالج میں تدریسی سرگرمیوں، اساتذہ کی حاضری، کلاس رومز کی حالت اور تعلیمی ماحول کا بھی مشاہدہ کیا۔

انہوں نے سٹوڈنٹس کو فراہم کی جانے والی سہولیات، مثلاً پینے کے صاف پانی، ٹوائلٹس، بیٹھنے کی جگہ اور صفائی کے انتظامات پر اطمینان کا اظہار کیا،انہوں نے کہا کہ طالبات کو معیاری تعلیمی ماحول فراہم کرنا حکومت پنجاب کی ترجیحات میں شامل ہے۔ضلعی انتظامیہ تعلیمی اداروں کی بہتری کے لیے ہر ممکن تعاون فراہم کرتی رہے گی۔\378