Live Updates

پی ایس ایل 10‘جارح مزاج بیٹر جارج منسے نے کراچی کنگز کو جوائن کرلیا

کراچی کے ساتھ سفر کا آغاز کرنا آسان رہا کیونکہ کوچنگ اسٹاف اور مینجنٹ نے میری کافی مدد کی‘گفتگو

بدھ 21 مئی 2025 14:41

پی ایس ایل 10‘جارح مزاج بیٹر جارج منسے نے کراچی کنگز کو جوائن کرلیا

کراچی (اُردو پوائنٹ اخبارتازہ ترین - این این آئی۔ 21 مئی2025ء)جارح مزاج بیٹر جارج منسے نے پاکستان سپر لیگ 10 کیلئے کراچی کنگز کو جوائن کرلیا، انھوں نے اپنے لیے اسے بہترین موقع قرار دیا۔ خصوصی گفتگو کرتے ہوئے اسکاٹش اوپنر نے کہا کہ ڈیوڈ وارنر کی قیادت میں کراچی کنگز کیلئے پی ایس ایل میں کھیلنا میرے لیے ایک بہترین موقع ہے، کراچی کے ساتھ سفر کا آغاز کرنا آسان رہا کیونکہ کوچنگ اسٹاف اور مینجنٹ نے میری کافی مدد کی۔

اوپنر ڈیوڈ منسے کا کہنا تھا کہ اب تک کا میرا تجربہ کافی خوشگوار رہا ہے، میں وارنر کی قیادت میں کھیلنے کا منتظر ہوں۔اپنے سوئپ شاٹ کے حوالے سے گفتگو کرتے ہوئے منسے نے کہا کہ مجھے نہیں پتہ کہ ریورس سوئپ شاٹ کو مجھ سے کیسے منسوب کیا گیا مگر میں یہ شاٹ کھیلنا پسند کرتا ہوں، جب موقع ملے تو اس شاٹ کو استعمال کرتا ہوں۔

(جاری ہے)

انھوں نے کہا کہ میں نے ماضی میں جو بھی انٹرنیشنل اور فرنچائز کرکٹ کھیلی ہے میں اس تجربے کو یہاں کراچی کنگز کیلیے بروئے کار لانے اور میچ جیتنے کی کوشش کروں گا۔

یہ بات قابل ذکر ہے کہ جارج منسے کرکٹ میں آنے سے قبل ایک گالفر تھے، تاہم اپنے کرکٹ کیریئر کے آغاز کے بعد انھوں نے ٹی ٹوئنٹی کرکٹ میں 2 سنچریاں اور 11 نصف سنچریاں اسکور کی ہیں۔اسکاٹش اوپنر جارج منسے دنیائے کرکٹ میں نہ صرف اپنی جارحانہ بلے بازی کیلئے جانے جاتے ہیں بلکہ وہ آئی سی سی کے ایسوسی ایٹ ممالک کے چند بہترین کرکٹر میں شمار ہوتے ہیں، خاص طور پر ان ریورس سوئپ شاٹ کی کافی دھوم ہے۔