ممتاز زہرہ بلوچ کی فرانسیسی وزارت اقتصادیات کی ڈپٹی ڈائریکٹر سے ملاقات،پاکستان میں اقتصادی و مالیاتی اصلاحات سے آگاہ

بدھ 21 مئی 2025 21:30

پیرس (اُردو پوائنٹ اخبارتازہ ترین - این این آئی۔ 21 مئی2025ء)فرانس میں پاکستان کی سفیر ممتاز زہرہ بلوچ نے فرانس کی وزارت اقتصادیات اور مالیات کی ڈپٹی ڈائریکٹر جنرل ٹریژری کلیئر چیرمیٹنسکی سے ملاقات کی جس میں پاکستان اور فرانس کے اقتصادی اور تجارتی تعلقات کو مزید مستحکم کرنے اور سرمایہ کاری کے امکانات اور مواقع کا جائزہ لیا گیا۔

(جاری ہے)

اس موقع پر مشترکہ اقدامات کو فروغ دینے اور دونوں اطراف کی کاروباری برادری کو شامل کرنے، پاکستان اور یورپی یونین کے اقتصادی تعلقات اور جی ایس پی پلس سمیت کثیر جہتی تجارتی نظام اور ڈبلیو ٹی او کے فریم ورک میں تعاون کو مضبوط بنانے کی اہمیت پر گفتگو کی گئی۔

ممتاز زہرہ بلوچ نے ڈپٹی ڈائریکٹر جنرل ٹریژری کو پاکستان میں اقتصادی اور مالیاتی اصلاحات سے بھی آگاہ کیا۔