سخت تنقید کے بعد جاپانی وزیر زرعت اپنے عہدے سے مستعفی

جمعرات 22 مئی 2025 12:10

ٹوکیو(اُردو پوائنٹ اخبارتازہ ترین - این این آئی۔ 22 مئی2025ء)جاپان کے وزیر زراعت تاکو ایٹو نے یہ کہنے پر استعفی دے دیا ہے کہ انہیں مفت چاول مل جاتے ہیں۔برطانوی اخبار کے مطابق ان کے اس بیان پر تنقید کی جا رہی تھی کیونکہ جاپان میں اشیائے خورونوش کی قیمتوں میں اضافہ ریکارڈ کیا جا رہا ہے۔تاکو ایٹو کے استعفے نے جولائی میں ہونے والے الیکشن سے پہلے وزیراعظم پر دبا میں اضافہ کیا ہے جو چاول اور دیگر ضروریات زندگی کی قیمتیں کم کرنے میں ناکام رہے ہیں۔

(جاری ہے)

وزیر توکو ایٹو نے میڈیا سے بات کرتے ہوئے کہا کہ میں نے ابھی اپنا استعفی وزیراعظم کو پیش کردیا ہے۔حکومت نے چاول کی قیمت میں کمی لانے کے لیے رواں برس ایمرجنسی سٹاک سے تین لاکھ ٹن چاول فراہم کیے تھے اور اس وقت توکو ایٹو نے عوام کو درپیش مشکلات پر ہمدردی ظاہر کی تھی۔تاہم رواں ہفتے کے آغاز میں ایک تقریب سے خطاب کرتے ہوئے انہوں نے کہا کہ میں نے کبھی خود چاول نہیں خریدے کیونکہ میرے حامی اتنے چاول دیتے ہیں کہ میں انہیں فروخت کر سکتا ہوں۔