Live Updates

J-10C کی کامیابی پر چین کی ڈاکومنٹری، پاکستان کی فضائی طاقت پر مہر ثبت کردی

پاکستان نے چین کے اتھ اپنی دفاعی شراکت کو مزید مضبوط کیا ، 2020ء سے 2024ء کے دوران81 فیصد دفاعی درآمدات چین سے ہوئیں

جمعہ 23 مئی 2025 13:42

J-10C کی کامیابی پر چین کی ڈاکومنٹری، پاکستان کی فضائی طاقت پر مہر ثبت ..

اسلا م آباد(اُردو پوائنٹ اخبارتازہ ترین - این این آئی۔ 23 مئی2025ء)چین نے نئی دستاویزی فلم میں J-10C لڑاکا طیاروں کی کامیابیوں کا اعتراف کرتے ہوئے پاکستان کی فضائی برتری اور طاقت پر مہر ثبت کردی۔چین کے سرکاری ٹی وی نے حال ہی میں ایک خصوصی دستاویزی فلم نشر کی، جس میں جدید J-10C لڑاکا طیاروں کی کامیابیوں کو اٴْجاگر کیا گیا۔ یہ اقدام ایسے وقت سامنے آیا ہے جب حالیہ پاک بھارت کشیدگی میں پاکستان نے ان طیاروں کے ذریعے زبردست فضائی برتری حاصل کی۔

دستاویزی فلم میں بتایا گیا کہ 7 مئی 2025ء کو پاکستان نے J-10C طیارے استعمال کرتے ہوئے بھارت کے فرانسیسی ساختہ 3 رافیل جنگی طیارے مار گرائے، جو J-10C کی تاریخ میں پہلی کامیاب فضائی جھڑپ تھی۔یہ طیارہ پہلے 2003ء میں چین کی فضائیہ میں شامل ہوا اور بعدازاں اس کا ایکسپورٹ ورژن J-10CE پاکستان کو فراہم کیا گیا۔

(جاری ہے)

دستاویزی فلم میں زور دیا گیا کہ پاکستان نے چین کے ساتھ اپنی دفاعی شراکت کو مزید مضبوط کیا ہے، 2020ء سے 2024ء کے دوران پاکستان کی 81 فیصد دفاعی درآمدات چین سے ہوئیں، جس میں J-10C اور PL-15 جیسے جدید ہتھیار شامل ہیں۔

فلم میں J-10C طیاروں کی تیاری کی طویل تاریخ پر بھی روشنی ڈالی گئی، جو 1980ء کی دہائی میں اس وقت شروع ہوئی جب چین نے محسوس کیا کہ اس کے جنگی طیارے امریکی اور سوویت ٹیکنالوجی سے پیچھے ہیں۔ پہلا J-10 طیارہ 1997ء میں تیار ہوا، جسے چینی ماہرین نے فضائی دفاع کی تاریخ کا معجزہ قرار دیا۔J-10C اس وقت ملائیشیا کے Langkawi ایئر شو میں بھی نمائش کیلئے پیش کیا جا رہا ہے، جہاں یہ اپنی جدید ٹیکنالوجی اور جنگی صلاحیتوں کے باعث بین الاقوامی توجہ حاصل کر رہا ہے۔