Live Updates

مقبوضہ کشمیر کے عوام بھارتی جبر کا شکار ہیں، عاصم افتخار

کشمیری عوام سلامتی کونسل کی قراردادوں کے مطابق حق خود ارادیت کے منتظر ہیں،پاکستانی مندوب

جمعہ 23 مئی 2025 13:50

مقبوضہ کشمیر کے عوام بھارتی جبر کا شکار ہیں، عاصم افتخار

نیویارک(اُردو پوائنٹ اخبارتازہ ترین - این این آئی۔ 23 مئی2025ء)پاکستان کے مستقل مندوب عاصم افتخار نے کہا ہے کہ جموں و کشمیر کے عوام بھارتی قبضے کے تحت منظم جبر و تشدد کا شکار ہیں۔

(جاری ہے)

سلامتی کونسل میں مسلح تنازعات میں شہریوں کے تحفظ سے متعلق بحث کے دوران گفتگو کرتے ہوئے انہوں نے کہاکہ بھارت غیرقانونی طور پر کشمیر کی آبادیاتی ساخت تبدیل کرنے میں کوشاں ہے۔عاصم افتخارنے کہاکہ کشمیری عوام سلامتی کونسل کی قراردادوں کے مطابق حق خود ارادیت کے منتظر ہیں۔انہوںنے کہاکہ مسلح تنازعات میں شہریوں کے تحفظ کیلئے فوری عالمی اقدامات ضروری ہیں۔دوران بحث غزہ کیلئے آواز اٹھاتے ہوئے عاصم افتخار نے کہا کہ ہسپتالوں پر حملے پر سلامتی کونسل کو فوری ردعمل دینا چاہیے۔