صوبائی وزیر ہائوسنگ بلال یاسین کا پی ایچ اے ہیڈ آفس کا دورہ، ڈی جی عمر شیر چٹھہ کو عہدہ سنبھالنے پر مبارکباد دی

جمعہ 23 مئی 2025 20:20

لاہور (اُردو پوائنٹ اخبارتازہ ترین - اے پی پی۔ 23 مئی2025ء) وزیر ہائوسنگ اینڈ اربن ڈویلپمنٹ پنجاب بلال یاسین نے پی ایچ اے لاہور ہیڈ آفس کا دورہ کیا، چیئرمین غزالی سلیم بٹ نے صوبائی وزیر کا استقبال کیا۔صوبائی وزیر اور چیئرمین غزالی سلیم بٹ نے ڈی جی پی ایچ اے کو عہدہ سنبھالنے پر مبارکباد دی۔

(جاری ہے)

اس موقع پر بلال یاسین نے کہا کہ عمر شیر چٹھہ لاہوریوں کے مزاج سے بخوبی واقف ہیں ،ان کے تجربات سے استفادہ کیا جائے گا، شہر لاہور کو وزیر اعلی کے ویژن کو مدنظر رکھتے ہوئے سٹیٹ آف دی آرٹ بنایا جا رہا ہے، شہر کی خوبصورتی بڑھانے اور عوامی سہولت کے پیش نظر شہر میں پارکس کی تعداد میں اضافہ کیا جارہا ہے، شہریوں کیلئے پرکشش اور فیملی فرینڈلی تفریحی مقامات بڑھائیں گے۔

چیئرمین پی ایچ اے نے کہا کہ شہر کی ثقافت کو اجاگر کرتے ہوئے لاہور کو مزید خوبصورت بنائیں گے۔ ڈی جی پی ایچ اے عمر شیر چٹھہ نے کہا کہ لاہور کے پارکس کی موجودہ صورتحال کو مزید بہتر بنایا جائے گا، پی ایچ اے لاہور شہر کے ہر کونے کو سرسبز و شاداب بنانے کے مشن پر گامزن ہے،پی ایچ اے شہر کی خوبصورتی اور عوامی سہولت کے ویژن پر عمل پیرا ہے۔