آئندہ چوبیس گھنٹوں کے دوران اسلام آباد ملک کے بیشتر حصوں میں گرج چمک کے ساتھ چند مقامات پر بارش کی توقع ہے، محکمہ موسمیات

ہفتہ 24 مئی 2025 18:30

اسلام آباد (اُردو پوائنٹ اخبارتازہ ترین - اے پی پی۔ 24 مئی2025ء) آئندہ چوبیس گھنٹوں کے دوران وفاقی دارالحکومت اسلام آباد، کشمیر ، خیبرپختونخوا ، خطہ پوٹھوہار، شمال مشرقی پنجاب،شمال مشرقی بلوچستان اور گلگت بلتستان میں مطلع جزوی ابر آلود رہنے کے علاوہ آندھی/جھکڑ چلنے اور گرج چمک کے ساتھ چند مقامات پر بارش کی توقع ہے۔ اس دوران بالائی اور وسطی پنجاب میں چند مقامات پر موسلادھار بارش/ ژالہ باری ہو سکتی ہے تاہم ملک کے بیشتر علاقوں میں موسم گرم اور خشک رہنے کا امکان ہے۔

محکمہ موسمیات کے مطابق گزشتہ 24 گھنٹوں کے دوران اسلام آباد، خطہ پوٹھوہار، شمال مشرقی پنجاب ، بالائی خیبرپختونخوا،کشمیر اور شمال مشرقی بلوچستان میں آندھی/جھکڑ چلنے اور گرج چمک کے ساتھ بارش ہوئی۔

(جاری ہے)

چند مقامات پر موسلادھار بارش /ژالہ باری بھی ہوئی جبکہ ملک کے دیگر علاقوں میں موسم گرم اور خشک جبکہ میدانی علاقوں میں شدید گرم رہا۔

گزشتہ چوبیس گھنٹوں کے دوران سب سے زیادہ بارش اٹک میں 48، اسلام آباد(سٹی 38، گولڑہ 13، بوکرا 6،ائرپورٹ5، سید پور 3)، راولپنڈی (شمس آباد 36، چکلالہ 20) جوہرآباد 16، منگلا 14، چکوال 12، مری 11، جہلم 7، منڈی بہاؤالدین 7، سیالکوٹ(سٹی 5، ائرپورٹ2)، شیخوپورہ، گوجرانوالہ2، گجرات ایک ، مالم جبہ 21، سیدو شریف 14، کاکول 8، لوئر دیر 5، تخت بھائی ایک، کوٹلی 13، راولاکوٹ 12، گڑھی دوپٹہ2، لسبیلہ 5، بار خان اور سبی میں 2 ملی میٹر بارش ریکارڈ کی گئی۔

ہفتہ کو ریکارڈ کئے گئے زیادہ سےزیادہ درجہ حرارت کے مطابق جیکب آباد میں درجہ حرارت 50،سبی49، دادو ، موہنجوداڑو، روہڑی ،لاڑکانہ اور شہید بینظیر آباد میں 47ڈگری سینٹی گریڈ ریکارڈ کیا گیا۔ محکمہ موسمیات نے انتباہ جاری کیا ہے کہ ہفتہ کی (رات) اوراتوارکےروز آند ھی /جھکڑ/گرج-چمک /ژالہ باری اور تیز/موسلادھار بارش کے باعث کمزور انفراسٹرکچر (بجلی کے کھمبے، درخت، گاڑیاں، سولر پینل وغیرہ) کو نقصان کا اندیشہ ہے۔