اوورسیز پاکستانیوں کا کردار پاکستان کی ترقی میں کلیدی حیثیت رکھتا ہے،میاں منیر ہانس

ہمیں چاہیے ہم اپنے تجربات اور وسائل کو وطن عزیز کی بہتری کے لیے استعمال کریں

اتوار 25 مئی 2025 14:40

دبئی(اُردو پوائنٹ اخبارتازہ ترین - این این آئی۔ 25 مئی2025ء)پاکستان پیپلز پارٹی گلف و مڈل ایسٹ کے صدر اور معروف بزنس مین، میاں منیر ہانس، گزشتہ روز دبئی انٹرنیشنل ایئرپورٹ سے مسقط، عمان کے لئے روانہ ہو گئے۔ائیرپورٹ پر ان کے کاروباری دوستوں اور پارٹی کارکنان نے انہیں پرتپاک الوداع کہا۔میاں منیر ہانس نے روانگی سے قبل میڈیا سے گفتگو کرتے ہوئے کہا اوورسیز پاکستانیوں کا کردار پاکستان کی ترقی میں کلیدی حیثیت رکھتا ہے۔

ہمیں چاہیے کہ ہم اپنے تجربات اور وسائل کو وطن عزیز کی بہتری کے لیے استعمال کریں۔انہوں نے مزید کہا کہ عمان میں ان کا دورہ نہ صرف کاروباری مقاصد کے لیے ہے بلکہ وہ وہاں مقیم پاکستانی کمیونٹی سے ملاقاتیں کر کے ان کے مسائل سنیں گے اور ان کے حل کے لیے کوششیں کریں گے۔

(جاری ہے)

میاں منیر ہانس جو کہ پیپلز پارٹی گلف ومڈل ایسٹ کے صدر ہونے کے ساتھ ساتھ اوورسیز پاکستانیوں کی فلاح و بہبود کے لیے سرگرم ہیں،نے اس سے قبل بھی مختلف ممالک میں پاکستانی کمیونٹی کے ساتھ ملاقاتیں کی ہیں اور ان کے مسائل کے حل کے لیے اقدامات کیے ہیں۔

ان کے اس دورے کے دوران مسقط میں پیپلز پارٹی عمان کے زیر اہتمام ایک عشائیے بھی منعقد کئے جائیں گے جس میں پاکستانی کمیونٹی کے مختلف شعبہ ہائے زندگی سے تعلق رکھنے والے افراد شرکت کریں گے۔