کراچی میں (آج)سے شروع ہونے والی پولیو مہم کے تمام انتظامات مکمل

کمشنر کراچی سید حسن نقوی کی سول سوسائٹی کے افراد سے ملاقاتیں، اعلی سطح کے اجلاس میں سعود کھوسو کی بریفنگ

اتوار 25 مئی 2025 15:20

کراچی(اُردو پوائنٹ اخبارتازہ ترین - این این آئی۔ 25 مئی2025ء)کمشنر کراچی سید حسن نقوی نے کہا ہے کہ آج(پیر)26 مئی سے پولیو مہم کا آغاز ہوگا جس کے تمام انتظامات مکمل کر لئے گئے ہیں ان خیالات کا اظہار انھوں نے آج کمشنر آفس میں ایک اعلی سطح کے اجلاس سے خطاب کرتے ہوئے کیا جس میں KTF کے نمائندے سعود کھو سو، کر اچی کے تمام ڈپٹی کمشنرز، بلدیاتی اداروں کے افسران، محکمہ صحت اور پولیس کے افسران نے شرکت کی کمشنر کراچی نے اس موقع پر کہا کہ اپریل میں پولیو مہم انتہائی کامیاب رہی اور جس طرح ڈپٹی کمشنر ز صاحبان نے دیگر اداروں کے ساتھ مل کر اس مہم کو کامیابی کے ساتھ ہمکنار کیا مجھے امید ہے کہ اس طرح یہ مہم مزید کامیاب ہوگی اور پچھلی مہم میں جو کوتاہیاں رہ گئی تھیں اس کو دہرایا نہیں جائے گا انہوں نے کہا کہ میں بذات خود اس مہم کا حصہ ہونگا اور روزانہ کی بنیار پر کراچی کے مختلف اضلاع کا دورہ کر ونگا انہوں نے تمام اداروں کو ہدایت کی کو وہ اس مہم میں بڑھ چڑھ کر حصہ لیں انھوں نے ڈپٹی کمشنرز کو ہدایت کی کہ وہ اس مہم میں سول سوسائٹی علاقے کے معززین علمائے کرام کو شامل کر یں انھوں نے اس بات پر اظہار مسرت کیا کہ پچھلی مہم میں بھی انکاری افراد نے اپنے بچوں کو قطرے پلائے۔

(جاری ہے)

قبل ازیں یونیسیف کے نمائیندے اور KTF کے کو آرڈینیٹر سعود کھوسونے تفصیل کے ساتھ اجلاس کوبریفنگ دی جبکہ تمام ڈپٹی کمشنرز نے مختلف تجاویز سے کمشنر کر اچی کو آگاہ کیادریں اثنا کمشنرکراچی سے آج سول سوسائٹی کے افراد جن میں طاہر صدیقی ،توفیق احمد ، منظر عالم ، شمشاد قریشی ، شیخ ارشاد، شانواد عابدی نے ملاقات کی اور مختلف مسائل پر ان سے اظہار خیال کیا جبکہ کمشنر کراچی نے ڈپٹی کمشنر ساوتھ جاوید نبی کھو سو کے ہمراہ ڈسٹرکٹ ساوتھ کا دورہ کیا انھوں نے بوٹ بیسن ،باتھ آئی لینڈ، عبداللہ ہارون روڈ، اورکھارادر ، بولٹن مارکیٹ کے اطراف پیدل گلیوں کا دورہ کیا اور موقع پر ڈپٹی کمشنر ساوتھ کو مسائل کے حل کے لئے ہدایات دیں۔