Live Updates

وزیراعلیٰ خیبرپختونخوا کے معاون خصوصی برائے جیل خانہ جات ہمایون خان کی زیر صدارت اجلاس

م* جاری اور مجوزہ ترقیاتی منصوبوں کے ساتھ ساتھ پارٹی امور پر تفصیلی مشاورت کی گئی

اتوار 25 مئی 2025 21:00

?پشاور (اُردو پوائنٹ اخبارتازہ ترین - آن لائن۔ 25 مئی2025ء) وزیراعلیٰ خیبرپختونخوا کے معاون خصوصی برائے جیل خانہ جات ہمایون خان کی زیر صدارت پاکستان تحریکِ انصاف ویلج کونسل شاہ آباد کا ایک اہم مشاورتی اجلاس منعقد ہواجس میں علاقے میں جاری اور مجوزہ ترقیاتی منصوبوں کے ساتھ ساتھ پارٹی امور پر تفصیلی مشاورت کی گئی۔ مقامی قیادت، نمائندگان اور کارکنان نے علاقے کو درپیش مسائل اور عوامی ضروریات پر کھل کر اظہارِ خیال کیا۔

(جاری ہے)

معاون خصوصی ہمایون خان نے شرکاء سے خطاب کرتے ہوئے کہا کہ تحریکِ انصاف کی سیاست کا محور عوامی خدمت ہے، اور گراس روٹ لیول پر مشاورت پارٹی کی مضبوطی کی علامت ہے۔ انہوں نے علاقے میں جاری منصوبوں ظ جن میں بنیادی ڈھانچے کی بہتری، تعلیم، صحت، اور صاف پانی کی فراہمی شامل ہیں ظ کی رفتار پر اطمینان کا اظہار کیا اور مزید اقدامات کا یقین دلایا۔ اجلاس میں پارٹی کی تنظیم سازی، کارکنوں کی فعالیت، اور آئندہ سیاسی حکمت عملی پر بھی تبادلہ خیال ہوا۔مقامی آبادی اور پارٹی کارکنان نے ہمایون خان کی قیادت کو سراہا اور تحریکِ انصاف کے وژن کے ساتھ بھرپور عزم کا اظہار کیا۔