حب سٹی پولیس کا جرائم پیشہ عناصر کے خلاف کریک ڈاؤن،سنگین جرائم مین ملوث ملزمان گرفتار

اتوار 25 مئی 2025 22:10

کوئٹہ (اُردو پوائنٹ اخبارتازہ ترین - اے پی پی۔ 25 مئی2025ء) حب سٹی پولیس نے جرائم پیشہ عناصر کے خلاف کرتے ہوئے سنگین جرائم میں ملوث ملزمان گرفتار کر لئے۔تفصیلات کے مطابق ایس ایس پی حب سید فاضل شاہ بخاری کی ہدایت اور ڈی ایس پی امام یعقوب بلوچ کی نگرانی میں ایس ایچ او حب سٹی عبدالقادر شیخ کی قیادت میں منشیات فروشوں، اشتہاری مجرمان اور جرائم پیشہ عناصر کے خلاف کریک ڈاؤن جاری ہے۔

پولیس نے منشیات فروش ولی محمد کو گرفتار کر کے اس کے قبضے سے 1015 گرام چرس،ملزم گل بیگ سے 600 گرام آئس (شیشہ) برآمد کی۔ دونوں کے خلاف الگ الگ مقدمات درج کئے گئے۔ایک اور کارروائی میں تین ملزمان فیاض دل شاہ، مراد اور زیر داد گل محمد کو گرفتار کر کے ان کے قبضے سے کراچی کے اورنگی ٹاؤن سے چوری شدہ موٹر سائیکل برآمد کر لی گئی۔

(جاری ہے)

رند مارکیٹ سے موٹر سائیکل چوری کی کوشش میں عبد المنان رنگے ہاتھوں گرفتار ہوا جبکہ یوسف گوٹھ کراچی کے رہائشی عبدالباسط سے ندی کے قریب گن پوائنٹ پر موٹر سائیکل چھیننے والے ملزمان کی فائرنگ سے پولیس کانسٹیبل شدید زخمی ہوا۔

پولیس نے جوابی کارروائی میں سجاد عرف ٹریکٹر کو گرفتار کر کے اسلحہ برآمد کر لیا۔ماہ رمضان کے دوران دکانوں میں ڈکیتیوں میں ملوث گروہ کے دو اہم کارندے گل بیگ اور ولی محمد بھی گرفتارکئےگئے، جنہوں نے متعدد وارداتوں کا انکشاف کیا۔