نیشنل ہائی وے اینڈ موٹر وے پولیس کی جانب سے 10روزہ روڈ سیفٹی آگاہی مہم کا آغاز کردیا گیا

منگل 27 مئی 2025 12:41

پتوکی (اُردو پوائنٹ اخبارتازہ ترین - این این آئی۔ 27 مئی2025ء) نیشنل ہائی وے اینڈ موٹر وے پولیس کی جانب سے 10روزہ روڈ سیفٹی آگاہی مہم کا آغاز کردیا گیا پولیس کی جانب سے سکولز،کالجز ،ہوٹل اور ٹرانسپورٹ اڈوں پر آگاہی مہم جاری ۔

(جاری ہے)

ڈی آئی جی موٹر وے پولیس سید فرید علی شاہ اور ایس پی موٹر وے پولیس عاطف شہزاد کے سخت احکامات کی روشنی میں نیشنل ہائی وے اینڈ موٹر وے پولیس بیٹ نمبر13ڈی ایس پی افضل مجیدکی زیر نگرانی تحصیل پتوکی میں 10روزہ روڈسیفٹی آگاہی مہم شروع کردی گئی پولیس کی جانب سے ملک بھر میں بڑھتے ہوئے ٹریفک حادثات کی روک تھام کیلئے سکولز،کالجز ،ہوٹل اور ٹرانسپورٹ اڈوں پر آگاہی مہم تیز کردی گئی پولیس افسران نے جمبر ،پتوکی میں سکولز اور ٹرانسپورٹ اڈوں پر طلباء اور بس ،ٹرک ڈرائیور ز کو روڈسیفٹی آگاہی مہم بارے آگاہ کیا اور اس پر عمل کرنے کی ہدایت کی ،نیشنل ہائی وے اینڈ موٹر وے پولیس بیٹ نمبر13ڈی ایس پی افضل مجیدنے میڈیا کو بتایا کہ روڈ سیفٹی کی آگاہی مہم کا مقصد ٹریفک حادثات میں کمی لانا ہے شہری نیشنل ہائی وے اورموٹر وے پر اوور سپیڈ گاڑی چلانے سے گریز کریں اور سفر کے دوران بیلٹ کا ستعمال کریں تمام شہری موٹر وے ایس او پیز پر عمل کریں تاکہ کسی بھی جانی و مالی حادثات سے بچا جاسکے قانون کی خلاف ورزی کرنے والوں کیساتھ سختی سے نمٹا جائے گا اور انہیں کسی بھی قسم کی کوئی رعایت نہیں دی جائے گی ۔