Live Updates

ہمیں صرف جارحانہ ہی نہیں بلکہ سمارٹ کرکٹ کھیلنی ہے : مائیک ہیسن

ہماری موجودہ رینکنگ کا سب کوعلم ہے، ہمیں اپنی رینکنگ کو بہتر کرنا ہے ، موجودہ دور کے مطابق کھیلنا ہے : ہیڈ کوچ کی گفتگو

ذیشان مہتاب منگل 27 مئی 2025 12:13

ہمیں صرف جارحانہ ہی نہیں بلکہ سمارٹ کرکٹ کھیلنی ہے : مائیک ہیسن

لاہور(اردو پوائنٹ تازہ ترین اخبار ۔ 27 مئی 2025ء ) پاکستان کرکٹ ٹیم کے ہیڈ کوچ مائیک ہیسن نے کہا ہے کہ ہمیں صرف جارحانہ نہیں بلکہ اسمارٹ کرکٹ کھیلنی ہے۔

لاہور میں میڈیا سے گفتگو میں ہیڈ کوچ مائیک ہیسن نے کہا کہ ہماری موجودہ رینکنگ کا سب کوعلم ہے، ہمیں اپنی رینکنگ کو بہتر کرنا ہے موجودہ دور کے مطابق کھیلنا ہے۔

انہوں نے کہا کہ محمد رضوان اور بابر اعظم وائٹ بال کرکٹ کے اچھے پلیئر ہیں، صرف جارحانہ نہیں ہمیں اسمارٹ کرکٹ کھیلنا ہے۔

(جاری ہے)

پاکستانی ٹیم کے ہیڈ کوچ نے مزید کہا کہ میرا 2 سال کا معاہدہ ہے، اس دوران 2 کرکٹ ورلڈ کپ ہوں گے۔

ان کا کہنا تھا کہ پی ایس ایل کے دوران کافی پاکستانی کرکٹرز سے شناسائی ہو چکی ہے۔ پاکستان ٹیم میں بہت ٹیلنٹ، پلان بنا لیا ہے کہ کس کھلاڑی کو کہاں استعمال کرنا ہے۔