Live Updates

۹اوگرا کی آئل اینڈ گیس شعبہ کو ڈیجیٹلائز کرنے کے عزم میں اہم پیش رفت ‘ جامع ہی لائسنسنگ سسٹم کاباقاعدہ آغاز

ٌ یہ لانچ ڈیجیٹل گورننس کی جانب ہمارے سفر میں ایک اہم سنگ میل ہے‘ ترجمان اوگرا، عمران غزنوی

منگل 27 مئی 2025 20:25

ٌاسلام آباد(اُردو پوائنٹ اخبارتازہ ترین - آن لائن۔ 27 مئی2025ء) اوگرا نے پاکستان کے آئل اینڈ گیس کے شعبے میں ڈیجیٹل تبدیلی اور بہترین ریگولیٹری کار کردگی کی جانب ایک اور اہم قدم اٹھاتے ہوئے با ضابطہ طور ایک جامع ہی لائسنسنگ سسٹم کا آغاز کر دیا ہے۔ نیشنل انفارمیشن ٹیکنالوجی بورڈ (این آئی ٹی بی) کے تعاون سے تیار کردہ اس نظام سے اس انڈسٹری سے منسلک تمام شعبے، بشمول گیس، آئل، ایل این جی ، سی این جی ، ایل پی جی اور ریفائنریز مکمل طور پر ڈیجیٹائر ڈلا ئسنسنگ سے مستفید ہو سکیں گے۔

اس پلیٹ فارم کو لانچ کرنے کا مقصد نا صرف لائسنز کے حصول یا تجدید کے عمل کو آسان اور تیز کرنا ہے بلکہ انرجی کے شعبے میں مڈ سٹریم اور ڈاؤن سٹریم جیسی اہم کاروباری مارکیٹ میں شفافیت اور بہترین کار کردگی کو ہر صورت یقینی بناتا ہے۔

(جاری ہے)

اس حوالے سے ترجمان اوگرا، عمران غزنوی نے کہا کہ '' یہ لانچ ڈیجیٹل گورننس کی جانب ہمارے سفر میں ایک اہم سنگ میل ہے۔

'' کاغذی کارروائی کو کم اور تیز تر پروسینگ کو فعال کرکے، ہم نہ صرف درخواست دہندگان اور سرمایہ کاروں کی سہولت کو بہتر بنارہے ہیں بلکہ پاکستان کے ریگولیٹری فریم ورک پر ان کے اعتماد کو بھی تقویت دے رہے ہیں۔'' iاس نئے اور جدید سسٹم کے ذریعہ صارفین نا صرف کہیں سے بھی آن لائن درخواست جمع کروا سکیں گے بلکہ اسکی پیشرفت رئیل ٹائم ٹریک کرنے کے ساتھ ساتھ منظوری کے ایک منظم عمل سے مستفید ہو سکیں گے۔ مزید یہ کہ انرجی سیکیورٹی میں فروغ کی وجہ سے پاکستان میں نجی سرمایہ کاروں کے اعتماد میں اضافہ ملک میں توانائی کے منظر نامے پر گہر ا مثبت اثر ڈالے گا۔ اپلائی کرنے کے لئے درجہ ذیل لنک سے اوگرا کے ای لائسنسنگ پورٹل پر وزٹ کر سکتے ہیں?? https://elicence.ogra.org.pk/login