چیئرمین سینیٹ سید یوسف رضا گیلانی ترکمانستان کے دورہ پر روانہ

بدھ 28 مئی 2025 12:12

اسلام آباد (اُردو پوائنٹ اخبارتازہ ترین - اے پی پی۔ 28 مئی2025ء) چیئرمین سینیٹ سید یوسف رضا گیلانی ترکمانستان کے دورہ پر روانہ ہو گئے،ان کو دورہ کی دعوت ترکمانستان کی مجلس کی چیئرپرسن نے دی ہے ۔

(جاری ہے)

سینیٹ سیکرٹریٹ سے جاری اعلامیہ کے مطابق چیئرمین سینیٹ سید یوسف رضا گیلانی کے دورہ کا مقصد پاکستان اور ترکمانستان کے دو طرفہ تعلقات کو مزید مستحکم کرنا ہے ۔ سید یوسف رضا گیلانی اپنے دورہ کے دوران پارلیمانی وفود کے تبادلوں میں تیزی لانے سمیت اہم امور پر تبادلہ خیال کریں گے،دونوں ممالک کے درمیان تجارتی و اقتصادی روابط کو بڑھانے پر بھی غور کیا جائے گا ۔چیئرمین سینٹ اپنے اس دورہ کے دوران ترکمانستان کی اعلی سیاسی قیادت کے ساتھ ملاقاتیں بھی کریں گے۔