Live Updates

بنگلہ دیش کیخلاف سیریز میں نوجوان کھلاڑیوں کو موقع دیں گے، کپتان سلمان آغا

بدھ 28 مئی 2025 15:09

لاہور(اُردو پوائنٹ اخبارتازہ ترین - این این آئی۔ 28 مئی2025ء) پاکستان کرکٹ ٹیم کے ٹی ٹوئنٹی کپتان سلمان علی آغا نے بنگلہ دیش کیخلاف سیریز میں نئے خون کو موقع دینے کا عندیہ دیدیا۔

(جاری ہے)

ٹی20 قائد سلمان علی آغا نے بنگلہ دیش کے خلاف سیریز سے قبل پریس کانفرنس کرتے ہوئے کہا کہ سیریز میں نوجوان کھلاڑیوں کو موقع دیا جائیگا، انٹرنیشنل کرکٹ میں کوئی سیریز آسان نہیں ہوتی، کوشش یہی ہوتی ہے بہترین پلیئنگ الیون کھلائیں۔پاکستان اور بنگلہ دیش کے درمیان ہونے والے 3 ٹی ٹوئنٹی میچوں پر مشتمل سیریز کیلیے قذافی اسٹیڈیم میں ٹرافی کی رونمائی کردی گئی۔انٹرنیشنل ٹی ٹوئنٹی سیریز کی ٹرافی کی رونمائی پاکستان کے کپتان سلمان علی آغا اور بنگلہ دیش کے کپتان لٹن داس نے کی۔