مرید کے، ناخلف بیٹے نے فائرنگ کر کے ماں، بھائی اور بھتیجی کو ہلاک کر ڈالا

فائرنگ سے16سالہ لڑکی شدید زخمی ہوگئی جسے تشویشناک حالت میں لاہور کے ہسپتال منتقل کر دیاگیا، ملزم فرار ہونے میں کامیاب ہوگیا

فیصل علوی بدھ 28 مئی 2025 13:06

مرید کے، ناخلف بیٹے نے فائرنگ کر کے ماں، بھائی اور بھتیجی کو ہلاک کر ..

مرید کے(اردوپوائنٹ اخبار تازہ ترین۔28 مئی 2025)پنجاب کے علاقے مرید کے میں ناخلف بیٹے نے فائرنگ کرکے اپنی ماں ، بھتیجی اور بھائی کو ہلاک کر دیا ، فائرنگ سے 16 سالہ لڑکی بھی زخمی ہوگئی ، ملزم فائرنگ کرنے کے بعد فرار ہوگیا،واقعہ کی اطلاع ملتے ہی ریسکیو کی امدادی ٹیمیں اور پولیس کی نفری موقع پر پہنچ گئی ،ریسکیو اہلکاروں نے لاشوں اور زخمی لڑکی کو فوری طور پر ہسپتال منتقل کیا،بتایا گیا ہے کہ افسوسناک واقعہ چک 28 میں اس وقت پیش آیا جب کسی بات پر تکرار کے بعد بیٹے نے اچانک گھروالوں پر فائرنگ کر دی جس کی زد میں آکر ماں،بھتیجی اور بھائی موقع پر ہی دم توڑ گئے جبکہ فائرنگ سے گھر میں موجود16سالہ لڑکی بھی زخمی ہوگئی۔

پولیس کے مطابق 16سال کی لڑکی شدید ہوگئی زخمی ہوئی جسکوتشویشناک حالت میں لاہور منتقل کردیا گیا۔

(جاری ہے)

پولیس کا کہنا ہے کہ مرنے والوں میں11سال کی میری ، 60سال کی گریس بی بی اور 35سال کامکیش مسیح شامل ہیں۔پولیس کے مطابق مقدمہ درج کرکے مزید تفتیش شروع کر دی گئی ہے اور ملزم کی تلاش کیلئے چھاپہ مار ٹیمیں تشکیل دید ی گئیں ہیں۔یاد رہے کہ چند روز قبل بھی فیصل آباد کے تھانہ ڈی ٹائپ کالونی کے علاقے رسول پور میں بے روز گار نوجوان تنویر نے 500 روپے پر جھگڑے اور ماں کے ڈانٹنے پر فائرنگ کر کے 24 سالہ بہن یاسمین اور ماں 45 سالہ شمیم کو ہلاک کر دیا تھا۔

پولیس کے مطابق تنویر کے بڑے بھائی سہیل نے لاہور سے گھر کے خرچہ کیلئے 3 ہزار روپے بھیجے تھے جن میں سے 500 روپے ملزم نے رکھ لئے تھے۔ ماں کے بار بار500 روپے کے اصرار پر دونوں میں جھگڑا ہو ا تھاجس پر تنویر نے مشتعل ہو کر ماں اور بہن کو گولیاں مار کر ہلا ک کر دیا اور فرار ہو گیاتھا۔ قبل ازیں بھی مردان کے علاقے گوجر گھڑی میں سگے بیٹوں نے فائرنگ کرکے اپنی ماں کو قتل کردیا تھا۔

پولیس کے مطابق سمیراورشہاب نے ماں کو گھرکے اندرفائرنگ سے قتل کیاتھا اور فرارہوگئے تھے۔ لاش کوپوسٹ مارٹم کیلئے ڈی ایچ کیو ہسپتال منتقل کردیا گیا تھا۔ قتل کامقدمہ مقتولہ کے بھائی کی مدعیت میں درج کرکے پولیس نے فرار ہونے والے ملزمان کی تلاش شروع کردی تھی۔ پولیس کا کہناتھا کہ واقعہ کیوں پیش آیا اس حوالے سے تحقیقات کی جارہی تھیں۔